Juan 13:1 - Chayahuita (Shahui)

¹ Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Juan 13:1 ပူးပေါင်းရင်းမြစ်များ

Proverbios 8:31

Isoroꞌpaꞌ acorinquë yaꞌnipiárahuë. Piyapiroꞌsa acorinso yonquiato, capa cancantërahuë.

Mateo 26:45

Ina quëran huënantahuaton, itërin: —¿Ipora huantaꞌ huëꞌësaramaꞌ ti? Nani ora nanirin huachi. Yosë quëran quëmapico nipirahuëꞌ, shaꞌhuirapiarinco oshahuanoꞌsaꞌ macainacoso marëꞌ.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Lucas 22:53

Coꞌtana nani tahuëri Yosë chinotopiso pëiquë paꞌnahuë. Nicapomaracohuëꞌ, co manamacohuëꞌ. Napoaponahuëꞌ, Yosë nohuanton, iporasoꞌ masaramaco. Tashi pochin cancantëramaꞌ niꞌton, sopai camairinquëmaꞌ co noyahuëꞌ nicacaso marëꞌ, itërin.

Lucas 9:51

Nani yaꞌcaritëriarin Quisoso inápaquë panantacasoꞌ. Napoaton “Onpopiontaꞌ Quirosarinquë paꞌsarahuë huachi,” tënin.

Juan 11:55

Pascoa tahuëri naniriahuachina, naꞌa piyapiꞌsaꞌ Quirosarinquë paꞌpi. Coꞌhuara Pascoa naniyátërasohuëꞌ, Yosë chinotopiso pëiquë paꞌpi. “Moisësë camaitërinsoꞌ nipatëhuaꞌ, Yosë noya niꞌsarinpoaꞌ,” taꞌtonaꞌ, paꞌpi.

Juan 12:23

Natanahuaton, itërin: —Noya iyaroꞌsapaꞌ. Nani tahuëri nanirin huachi. Yosë quëran quëmapico niꞌto, chiminapo. Ina quëran naꞌa piyapiꞌsaꞌ noya niꞌsarinaco.

Juan 13:29

Cotasëri coriqui tanpanantëꞌ aꞌpairin niꞌton, maꞌsha pita tahuëri marëꞌ paꞌanapon aꞌpamara, topirinahuëꞌ aꞌnaquën. Saꞌahuaroꞌsaꞌ coriqui quëtacaso marëꞌ aꞌpamara, topirinahuëꞌ aꞌnaquëontaꞌ.

Juan 13:3

Quisososo nipirinhuëꞌ yaꞌipi nitotërin. Yosë yaꞌhuërin quëran nani oꞌmarin. Co huaꞌquiya quëranhuëꞌ naquëranchin inatohuaꞌ panantararin. Tata Yosëri chini chiníquën nanan quëtërin yaꞌipiya huaꞌanëntacaso marëꞌ. Inantaꞌ nitotaton, coshatasocoi,

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

Juan 14:31

co taꞌarahuëꞌ. Tata Yosë nosoroato, ina noꞌtëquën natëarahuë. Ina nohuanton, maꞌsha onpoarahuë. Piyapiꞌsaꞌ nicatonaco, “Tëhuënchachin Yosë nosoroaton, natërin,” tosapi. “Huëcoꞌ paꞌahua huachi,” itërincoi Quisoso.

Juan 16:28

Tatahuë quëran oꞌmato, isoroꞌpaquë yaꞌhuëpirahuëꞌ. Co huaꞌqui quëranhuëꞌ tatahuë yaꞌhuërinꞌpaꞌ panantarahuë,” itërincoi.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 17:16

Naꞌa piyapiꞌsaꞌ co noyahuëꞌ nipirinahuëꞌ, co casoꞌ inapita pochin cancantërahuëꞌ. Imarinacosopitantaꞌ co inapita pochin cancantopihuëꞌ.

Juan 17:26

Quëma nanamën nani aꞌchintërahuë nohuitinënquënso marëꞌ. Ipora huantaꞌ aꞌchintarahuë niꞌton, noya noya nohuitarinënquën. Quëma nosororancoso pochachin ninosorocaiso marëꞌ. Inapohuachinaꞌ, inapita yaꞌcoancantato, yaꞌhuëmiatarahuë,” itërin.

Juan 17:5

Iráca coꞌhuara isoroꞌpaꞌ yaꞌhuëyátërasohuëꞌ, quëmaroꞌco noya noya yaꞌhuëpirahuëꞌ, aꞌpaimaranco. Iporasoꞌ, Tata, quëmataquë naquëranchin acoantaco quëmaroꞌco chachin yaꞌhuantaꞌi.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.

Juan 19:28

Quisoso nontahuatoncoi: “Nani yaꞌipi Yosë shaꞌhuitërincosoꞌ natërahuë,” tënin yonquinënquë. Ina quëran, Yosë quiricanënquë ninorinso nanicaso marëꞌ: —Yamororahuë, tënin.

Juan 2:13

Pascoa tahuëri cotioroꞌsaꞌ niyontonpi Yosëri Iquipito quëran nichaꞌërinsoꞌ yonquiantacaiso marëꞌ. Ina naniriahuachina, Quirosarinquë paantarai.

Juan 6:4

Pascoa tahuëri naniriarin. Naporoꞌ cotioroꞌsaꞌ niyontonpi Yosë yonquicaiso marëꞌ.

Juan 7:30

Ina topachina, huaꞌanoꞌsari tashinan pëiquë poꞌmocaiso marëꞌ yamápirinahuëꞌ, Yosë nohuanton, co chiminacasoꞌ naniyátërarinhuëꞌ niꞌton, co mápihuëꞌ.

Juan 7:6

—Pahuanarin casoꞌ pacaꞌhuasoꞌ. Canpitaso nipirinhuëꞌ onporosona yapaꞌpatamaꞌ, noya pacoꞌ.

Juan 8:20

Yosë chinotopiso pëiquë aꞌchintaton, napotërin. Coriqui cacon notënanquë aꞌchintarin. Yosë nohuanton, co chiminacasoꞌ naniyatërarinhuëꞌ. Napoaton co insoari tërantaꞌ maninhuëꞌ.

Romanos 8:37

Ina nipirinhuëꞌ, Quisocristo nosororinpoaꞌ. Parisitapirëhuahuëꞌ, nani tahuëri catahuarinpoaꞌ sopai minsëcaso marëꞌ. Nóya cancantarëhuaꞌ.

1 Corintios 1:8

Oꞌmantaquë huarëꞌ inasoꞌ achinicancanarinquëmaꞌ. Oshanëmaꞌ inquitatënquëmaꞌ, noyápiachin cancan quëtërinquëmaꞌ. Imamiataramaꞌ niꞌton, oꞌmantahuachin, co insontaꞌ anaꞌintarinquëmahuëꞌ.

Hebreos 3:14

Iráca Quisocristo natërëhuaꞌ. Chiminaquë huarëꞌ noya imahuaꞌ. Co aꞌpohuatëhuahuëꞌ, Quisocristorëꞌquënpoaꞌ yaꞌhuëcontarihuaꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Hebreos 6:11

Chiníquën cancantatomaꞌ, yaꞌipinquëmaꞌ imamiatocoꞌ. “Yosë co naniantarinpoahuëꞌ. Aꞌna tahuëri yaꞌhuërinꞌpaꞌ quëpantarinpoaꞌ,” taꞌtomaꞌ, chiminaquë huarëꞌ nóya imacoꞌ.

1 Pedro 1:13

Napoaton chiníquën cancantatomaꞌ, yonquicoꞌ noya nicacamasoꞌ. Sano yonquicoꞌ. Quisocristo oꞌmantahuachin, inaora nohuanton, nichaꞌësarinpoaꞌ. Ina ninatomaꞌ, noya cancantocoꞌ.

1 Juan 4:19

Yosëꞌton naꞌcon nosororinpoaꞌ niꞌton, canpoarintaꞌ Yosë nosoroatëhuaꞌ, aꞌnapitantaꞌ nosoroarihuaꞌ.

Apocalipsis 1:5

Quisocristontaꞌ inaora nohuanton, catahuainquëmaꞌ. Asanocancainquëmaꞌ. Iráca isoroꞌpaquë oꞌmarahuaton, noꞌtëquën aꞌchintërinpoaꞌ. Inaꞌton chiminaponahuëꞌ, nanpiantarin. Chimirin minsërahuaton, yaꞌipiya huaꞌanëntarin. Yaꞌipi huaꞌanoꞌsa quëran chini chiníquën nanantarin. Naporahuaton, naꞌcon nosororinpoaꞌ. Oshanënpoaꞌ inquitinpoaso marëꞌ huënainën aꞌparin. Chiminaton, nichaꞌërinpoa.