Juan 12:47 - Chayahuita (Shahui)

⁴⁷ Aꞌnaquëmaꞌ natanpiramacohuëꞌ, co natëramacohuëꞌ. Co natëhuatamacohuëꞌ, co carimaꞌ anaꞌintaranquëmahuëꞌ. Co ina marëꞌ oꞌmarahuëꞌ. Piyapiꞌsaꞌ nichaꞌëcaꞌhuaso marëꞌ oꞌmarahuë.

Juan 12:47 ပူးပေါင်းရင်းမြစ်များ

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Mateo 18:11

Naꞌa piyapiꞌsaꞌ co noyahuëꞌ cancantatonaꞌ, chihuëpiso pochin nipi. Yosë quëran quëmapico niꞌto, oꞌmarahuë inapita nichaꞌëcaꞌhuaso marëꞌ.]

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Lucas 9:56

Ina quëran aꞌna ninanoquë paantarin.

Juan 12:48

Co nohuantohuatamacohuëꞌ, aꞌchintëranquëmasontaꞌ co natëhuatamahuëꞌ, canpitaora tëhuënëmaquë ninaꞌintaramaꞌ. Nonahuëso chachin co natëramahuëꞌ niꞌton, ayaroꞌ tahuëri naꞌintarinquëmaꞌ.

Juan 3:17

Co anaꞌintinpoaso marëꞌ huiꞌnin aꞌpaimarinhuëꞌ. Nichaꞌëinpoaso marëꞌ aꞌpaimarin. Huiꞌnin quëran chaꞌërihuaꞌ.

Juan 5:45

Co carinquëmaꞌ Yosëquë shaꞌhuirapiaranquëmahuëꞌ. Moisësë tëhuënchinsoꞌ shaꞌhuirapiarinquëmaꞌ. ‘Ina catahuarinpoaꞌ,’ taꞌtomaꞌ, imapiramahuëꞌ, co natëramahuëꞌ niꞌton, shaꞌhuirapiarinquëmaꞌ.

Juan 8:26

Canpitaso co noyahuëꞌ ninama niꞌton, naꞌcon shaꞌhuitaꞌhuanquëmaso yaꞌhuërin. Aꞌpaimarincosoꞌ noꞌtëquënáchin nonin. Ina shaꞌhuitohuachincora natanato, ina chachin shaꞌhuitaranquëmaꞌ, tënin.

2 Pedro 3:15

Nosoroatonpoaꞌ, huaꞌquiꞌ Sinioro ninararin naꞌcon naꞌcon piyapiꞌsari natëcaiso marëꞌ. Ina quëran inapitantaꞌ nichaꞌësarin. Ama ina naniantocosohuëꞌ. Inachachin iya Paonontaꞌ ninshitërinquëmaꞌ. Inasoꞌ iyanpoa pochin niꞌnëhuaꞌ. Yosë nohuanton, noꞌtëquën nitotaton, ninshitërin.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.