Juan 12:42 - Chayahuita (Shahui)

⁴² Napoaponahuëꞌ, naꞌamiachin cotioroꞌsaꞌ huaꞌanoꞌsanënpitarë chachin natëpi. Napopirinahuëꞌ, parisioroꞌsaꞌ tëꞌhuatatonaꞌ, co aꞌninquëchin shaꞌhuipihuëꞌ. “Niyontonpiso pëiroꞌsa quëran ocoihuachinënpoaꞌ,” taꞌtonaꞌ, taꞌtápi.

Juan 12:42 ပူးပေါင်းရင်းမြစ်များ

Jeremías 38:19

Napotohuatora: —Aꞌnaquën cotioroꞌsaꞌ, nani inapita paapatona anoyatopi. Inapita tëꞌhuatërahuë. Mapachinacosoꞌ, aparisitaponaco tënahuë, itërinco.

Mateo 10:32

‘Quisoso imarahuë,’ topatamaꞌ, ayaroꞌ tahuëri carinquëmantaꞌ nohuantaranquëmaꞌ. ‘Imarinaco mini,’ itarahuë Tata Yosë.

Lucas 12:8

Ina quëran taantarin: “Tëhuënchachin iyaroꞌsaꞌ, ‘Quisoso imarahuë,’ topatamaꞌ, ayaroꞌ tahuëri cantaꞌ nohuantaranquëmaꞌ. ‘Imarinco mini,’ itarahuë Yosëꞌpaꞌ. Anquëniroꞌsantaꞌ natanapi.

Lucas 23:13

Ina quëran Piratori piyapiꞌsaꞌ amatërin. Corto huaꞌanoꞌsaꞌ, cotio huaꞌanoꞌsaꞌ, inapitantaꞌ ayontonahuaton, itërin:

Lucas 6:22

Yosë quëran quëmapico niꞌto, imaramaco. Imaramacoso marëꞌ aꞌnaquën noꞌhuiarinënquëmaꞌ. Co huachi quëꞌyarinënquëmahuëꞌ. Pinosarinënquëmaꞌ. Nonpinapiarinënquëmaꞌ. Napotopirinënquëmahuëꞌ, ama sëtocosohuëꞌ. Ina marëꞌ Yosë noya niꞌsarinquëma niꞌton, nóya cancantocoꞌ.

Juan 11:45

Cotioroꞌsaꞌ huëꞌpisopitantaꞌ niꞌpi. Ananpitaantarinsoꞌ niꞌsahuatonaꞌ, naꞌa natëpi. “Tëhuënchachin Yosëri catahuarin niꞌton, naporin,” topi.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Juan 19:38

Ina quëran Cosi Arimatiaquë yaꞌhuërinsoꞌ paꞌnin Pirato nontapon. Inantaꞌ Quisoso imaponahuëꞌ, cotioroꞌsaꞌ tëꞌhuataton, co aꞌninquëchin shaꞌhuirinhuëꞌ. Inaso nipirinhuëꞌ, chiníquën cancantaton, paꞌnin Pirato nontapon. —Quisoso nonën nohuantërahuë. Quëtoco cari quëpaꞌi, itërin. Itohuachina, “Noyahuaꞌ. Quëpaquëꞌ,” itërin. Napotohuachina, paꞌnin nonën corosë quëran anohuaracaso marëꞌ. Anohuararahuatonaꞌ, quëpapi.

Juan 7:13

Napopirinahuëꞌ, huaꞌanoꞌsaꞌ tëꞌhuatatonaꞌ, poꞌoana quëran ninontopi.

Juan 7:31

Huaꞌanoꞌsarisoꞌ noꞌhuipirinahuëꞌ, naꞌa piyapiꞌsari Quisoso yanatëpi. —Cristo oꞌmahuachin, iso quëmapi quëran naꞌcon naꞌcon taꞌmaꞌ ¿Yosë pochin niquimarëꞌpo ti? topi.

Juan 9:22

Cotio huaꞌanoꞌsaꞌ tëꞌhuataton, napotërin. Iꞌhua chachin huaꞌanoꞌsa capini ninontopi Quisoso imarinsopita anaꞌintacaiso marëꞌ. “Quisososoꞌ Cristo chachin,” topachinaꞌ, ocoiaꞌahuaꞌ. Ocoihuatëhuaꞌ, co huachi nanitapihuëꞌ niyontonpiso pëiquë huëcacaisoꞌ, nitopi.

Juan 9:34

—Quëmasoꞌ huaꞌhuatapon quëran huarëꞌ oshahuanaponahuëꞌ, ¿yaaꞌchintërancoi ti? itopi. Ina quëran ocoirahuatonaꞌ, aꞌpapi huachi.

Hechos 5:41

Aꞌpahuachinara, pipipi. “Yosë noya niꞌnincoi niꞌtoi, Quisoso marëꞌ parisitërai,” taꞌtonaꞌ, capa cancantopi. Co mantaꞌ sëtopihuëꞌ.

Romanos 10:10

“Yosë co onporontaꞌ nonpintarinpoahuëꞌ,” taꞌtëhuaꞌ, cancanënpoa quëran natëhuatëhuaꞌ, noya niꞌsarinpoaꞌ. “Casoꞌ Quisocristo imarahuë,” topatëhuaꞌ, naporo chachin anoyacancantarinpoaꞌ.

1 Juan 4:15

“Quisocristosoꞌ Yosë huiꞌnin. Ina natërahuë,” topatëhuaꞌ, Yosë pochin cancantatëhuaꞌ, imamiatarihuaꞌ. Inantaꞌ yaꞌcoancantërinpoaꞌ.

1 Juan 4:2

Ispirito Santo noꞌtëquën anitotërinpoaꞌ. “Quisocristo Yosë huiꞌnin niponahuëꞌ, isoroꞌpaquë oꞌmaton, piyapi chachin nasitimarin. Nonën chachin yaꞌhuëtërin,” itërinpoaꞌ. Ina nanan aꞌchintohuachinënquëmaꞌ, noꞌtëquën aꞌchinapi. Ispirito Santori ayonquirin niꞌton, noya nonsapi.