Juan 12:36 - Chayahuita (Shahui)

³⁶ Carinquëmaꞌ aꞌpintaranquëmaꞌ. Coꞌhuara paꞌshantatërasocohuëꞌ, natëco. Natëhuatamaco, canpitantaꞌ tahuëri pochin cancantaramaꞌ, itërin. Ina tosahuaton, paꞌnin. Co huachi aꞌninquëchin iratërinhuëꞌ.

Juan 12:36 ပူးပေါင်းရင်းမြစ်များ

Isaías 60:1

Cota huëntonquë, Quirosarinquë, inaquëpita yaꞌhuëramasoꞌ, noya natancoꞌ: Sinioro noya noya nininsoꞌ, canpitarë nisarin. Inasoꞌ, huënaráchin huënaráchin aꞌpinarin. Napoaton canpitantaꞌ, aꞌpininso ahuënaratarinquëmaꞌ.

Mateo 21:17

Ina tosahuaton, Pitaniaquë paꞌnin. Inaquë huëꞌëpatërin.

Mateo 5:14

Isoroꞌpaquë yaꞌhuëpisopita tashinanquë paꞌnëso pochin nisapirinahuëꞌ, canpitari aꞌpintatë pochin nitaramaꞌ. Niꞌcoꞌ iyaroꞌsaꞌ. Ninanoꞌ panënquë yaꞌhuëhuachina, yaꞌipi piyapiꞌsari quënanpi.

Lucas 16:8

Huaꞌani natantahuaton, amataantarin. ‘Naquëranchin nonpintantaranco. Nipirinhuëꞌ, “ma noyacha yonquiran paya,” tënahuë,’ itërin huaꞌanëni. Niꞌcoꞌ iyaroꞌsaꞌ. Naꞌa piyapiꞌsaꞌ co noyahuëꞌ nipisopita noya yonquipi inaora canacaiso marëꞌ. Aꞌnaquëmaso nipirinhuëꞌ, imapiramacohuëꞌ, co onpopinchin yonquiramahuëꞌ noya nicacamaso marëꞌ.

Juan 1:7

aꞌpininsoꞌ anohuitiinpoaso marëꞌ. Yaꞌipi piyapiꞌsari natëcaiso marëꞌ shaꞌhuirin.

Juan 11:54

Napoaton Quisoso co huachi nohuantërinhuëꞌ aꞌninquëchin cotio ninanoroꞌsaquë paacasoꞌ. Inotëro parti pirayan paaton, Iprainquë yacapatarin. Inaquë caꞌtanoꞌsanënpitacointaꞌ yacapatonai.

Juan 12:37

Nani naꞌa piyapiꞌsaꞌ aꞌnaroáchin anoyatërin. Cosharoꞌ anaꞌatërin. Yosë pochin nininsoꞌ nicaponaraihuëꞌ, co yanatëpihuëꞌ.

Juan 12:46

Carinquëmaꞌ aꞌpintëranquëmaꞌ. Imapatamaco, co tashinan pochin cancantaramahuëꞌ. Tahuëri pochin cancantaramaꞌ. Ina marëꞌ isoroꞌpaquë oꞌmarahuë.

Juan 3:21

Nipirinhuëꞌ, noꞌtëquën yonquihuachinaꞌ, noya nisapi. Ina quëran aꞌnapitantaꞌ nicatonaꞌ: “Ma noya Yosëri catahuarin niꞌton, noya natëpi,” tosapi.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Efesios 5:8

Iráca tashi pochin cancantopiramahuëꞌ, iporasoꞌ Yosë imaramaꞌ niꞌton, anoyacantërinquëmaꞌ tahuëri pochin nicacamaso marëꞌ. Napoaton tahuëri pochin nicoꞌ.

1 Tesalonicenses 5:5

Quisocristo imaramaꞌ niꞌton, tahuëri pochin cancantatomaꞌ, nitotaramaꞌ. Yaꞌipinpoaꞌ imarëhuasopita co tashi pochin cancantërëhuahuëꞌ.

1 Tesalonicenses 5:8

Canpoaso nipirinhuëꞌ tahuëri pochin cancantacasoꞌ yaꞌhuërin. Napoaton noya yonquiatëhuaꞌ, Yosë imamiatahuaꞌ. Niꞌcoꞌ iyaroꞌsaꞌ. Inimicoroꞌsaꞌ huëꞌpachinara, sontaroꞌsaꞌ co topinan paꞌpihuëꞌ. Coton huaꞌna quëran nininsoꞌ aꞌmopi. Cascontaꞌ huaꞌna quëran nininsoꞌ yancopi ama inimicori ohuanacaso marëhuëꞌ. Noya nitapahuachinara, co inimicori minsërinhuëꞌ. Huaꞌna aꞌmopiso pochin canpoantaꞌ Yosë natëahuaꞌ catahuainpoaꞌ. Ina natëtëhuaꞌ, noya ninosoroaꞌahuaꞌ. “Yosë aꞌpaiarinpoaꞌ. Oꞌmahuachin, noyá nichaꞌësarinpoaꞌ,” taꞌtëhuaꞌ noya ninahuaꞌ.