Juan 12:35 - Chayahuita (Shahui)

³⁵ —Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

Juan 12:35 ပူးပေါင်းရင်းမြစ်များ

Isaías 2:5

Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

Jeremías 23:12

Napoaton cari chachin inapita anaꞌintarahuë. Aꞌnanaya maꞌsha onpocaisoꞌ cantiipon. Co incari tëranta nichaꞌëponhuëꞌ. Ca Sinioroco shaꞌhuitaranquëmaꞌ.

Lucas 18:37

“Quisoso Nasaritoquë yaꞌhuërinsoꞌ huëꞌsarin,” itopi.

Juan 11:10

Tashiso nipirinhuëꞌ iratohuatëra, iꞌparëꞌ. Capa aꞌpininsoꞌ niꞌton, iꞌparëꞌ, itërincoi.

Juan 11:9

Napotohuatoira, Quisoso itaponcoi: —Shonca catoꞌ ora quëran iꞌhuarin. Tahuëri iratohuatëra, co iꞌparëhuëꞌ. Noya quënantatëꞌ, noya paꞌnëꞌ.

Juan 12:36

Carinquëmaꞌ aꞌpintaranquëmaꞌ. Coꞌhuara paꞌshantatërasocohuëꞌ, natëco. Natëhuatamaco, canpitantaꞌ tahuëri pochin cancantaramaꞌ, itërin. Ina tosahuaton, paꞌnin. Co huachi aꞌninquëchin iratërinhuëꞌ.

Juan 12:46

Carinquëmaꞌ aꞌpintëranquëmaꞌ. Imapatamaco, co tashinan pochin cancantaramahuëꞌ. Tahuëri pochin cancantaramaꞌ. Ina marëꞌ isoroꞌpaquë oꞌmarahuë.

Juan 16:16

Piꞌpian pahuanarin pacaꞌhuasoꞌ. Paꞌpato, co quënanaramacohuëꞌ. Ina quëran co huaꞌquiya quëranhuëꞌ quënaantaramaco,” itërincoi.

Juan 7:33

Huëꞌpirinahuëꞌ, Quisosori itërin: —Co huaꞌquiꞌ canpitaroꞌco yaꞌhuapohuëꞌ. Paꞌmiatarahuë. Yosë nohuanton, oꞌmarahuë. Inaquë chachin panantarahuë.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

2 Corintios 3:14

Israiroꞌsaso nipirinhuëꞌ co natantochináchinhuëꞌ cancantopi. Ipora huantaꞌ Yosë quiricanën iráca ninshitopisoꞌ nontopirinahuëꞌ, co noꞌtëquën yonquipihuëꞌ. Nipaꞌcopirayatërinso pochin cancantatonaꞌ, co nanitopihuëꞌ Yosë quiricanën noꞌtëquën nitotacaisoꞌ. Quisocristoíchin catahuarinpoaꞌ noꞌtëquën nitotacasoꞌ.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

Efesios 5:8

Iráca tashi pochin cancantopiramahuëꞌ, iporasoꞌ Yosë imaramaꞌ niꞌton, anoyacantërinquëmaꞌ tahuëri pochin nicacamaso marëꞌ. Napoaton tahuëri pochin nicoꞌ.