Juan 12:24 - Chayahuita (Shahui)

²⁴ Noꞌtëquën shaꞌhuitëranquëmaꞌ. Tricoraya pochin ninin. Co shaꞌpatërahuëꞌ, co naꞌarinhuëꞌ. Aꞌnaíchin nisárin. Napoaponahuëꞌ, shaꞌpatëra, chiminin pochin niponahuëꞌ, papotohuachina, naꞌa nitërin.

Juan 12:24 ပူးပေါင်းရင်းမြစ်များ

Copo naporinso' 14:8

Itënsoꞌ nani aꞌshiitë masho. Namënëonta chiminaton mocasarin nipirinhuëꞌ,

Salmos 22:15

Sënan aꞌpëhuatëra yanirin. Ina pochachin cantaꞌ, yanirahuëso pochin nicato co huachi chinirahuëꞌ. Paꞌpi yamoroto yaniconopirarahuë ninatanahuë. Chiminpatëra, amocan taranëꞌ. Inapochinachin canta nisarahuë.

Salmos 72:16

Notohuaroꞌ trico yaꞌhuërëhuaso noꞌpaquë yaꞌhuëꞌin. Motopiroꞌsa huiꞌnimotënquëpita noya noyachin. Nipano motopi tanantërinquë maꞌsha noya noyatërin. Ina pochin trico shaꞌnëhuasoꞌ noyachin. Iminoꞌsaquë pacatoro yaꞌhuërinso pochin. Ninanoroꞌsaquëntaꞌ, notohuaroꞌ piyapi naꞌain.

Romanos 14:9

Yaꞌipinpoaꞌ huaꞌanëntinpoaso marëꞌ Quisocristo chiminin. Nani chimirin minsërahuaton, chini chiníquën nanantaton, nanpiantarin. Napoaton nanpirëhuasopita, chiminpisopitantaꞌ, yaꞌipinpoaꞌ huaꞌanëntarinpoaꞌ.