Juan 12:23 - Chayahuita (Shahui)

²³ Natanahuaton, itërin: —Noya iyaroꞌsapaꞌ. Nani tahuëri nanirin huachi. Yosë quëran quëmapico niꞌto, chiminapo. Ina quëran naꞌa piyapiꞌsaꞌ noya niꞌsarinaco.

Juan 12:23 ပူးပေါင်းရင်းမြစ်များ

Isaías 55:5

Natanco israiroꞌsanquëmaꞌ. Canpitaso nisha piyapiroꞌsa co nohuitapomarahuëꞌ, përasaramaꞌ. Nisha nisha nacionoꞌsaquë yaꞌhuëpisopita co nohuitopirinëmahuëꞌ, taꞌarëꞌnachin huëcapaiarinënquëmaꞌ. Caso Sinioroco noya niꞌnanquëma niꞌton, napotarinënquëmaꞌ,” tënin Sinioro.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Mateo 25:31

Ina quëran itaantarin: “Yosë quëran quëmapico niꞌto, aꞌna tahuëri oꞌmantararahuë huaꞌanëntaꞌhuaso marëꞌ. Yaꞌipi anquëniroꞌsapitarëꞌco chachin oꞌmantararahuë. Huënaráchin huënaráchin yaꞌnorahuato, huaꞌanëntaꞌhuasoꞌ shiraquë huënsëarahuë coisë pochin nicaꞌhuaso marëꞌ.

Mateo 26:45

Ina quëran huënantahuaton, itërin: —¿Ipora huantaꞌ huëꞌësaramaꞌ ti? Nani ora nanirin huachi. Yosë quëran quëmapico nipirahuëꞌ, shaꞌhuirapiarinco oshahuanoꞌsaꞌ macainacoso marëꞌ.

Marcos 14:35

Amashamiachin paꞌsahuaton, isonconahuaton, noꞌpaquë huarëꞌ monshomarin. Inaquë Yosë nontarin. “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantaporahuëꞌ, quëma nohuantohuatan, maꞌsona yaonpotohuatancontaꞌ noya, tënahuë. Noꞌtëquën yanatëranquën,” itërin.

Marcos 14:41

Naquëranchin paantarahuaton, Yosë nontantarin. Ina quëran huënantarahuaton, caꞌtanoꞌsanënpita itapon: —¿Ipora huantaꞌ huëꞌësaramaꞌ ti? Nani huachi. Nani ora nanirin. Yosë quëran quëmapico nipirahuëꞌ, shaꞌhuirapiarinco oshahuanoꞌsaꞌ macainacoso marëꞌ.

Juan 12:16

Yosë quiricanën quëran ninorin. Caꞌtanoꞌsanënpitacoiso nipirinhuëꞌ, co ina yonquiraihuëꞌ. Quisoso nanpiantahuachina, naporo huarëꞌ yonquirai. “Mora aipi chachin huënsërahuaton, Quirosarinquë huëꞌnin,” tënai.

Juan 12:27

Ina quëran itaantarin: “Iporasoꞌ sëtochinachin cancantërahuë. ¿Maꞌtaꞌ Yosë ichi? tënahuë, yonquiato. Co parisitaꞌhuasoꞌ nohuantopirahuëꞌ, ‘Catahuaco Tata ama parisichisohuëꞌ,’ co itarahuëꞌ. Chiminaꞌhuaso marëꞌ oꞌmarahuë,” itahuaton, Yosë itapon:

Juan 13:1

Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)