Juan 12:21 - Chayahuita (Shahui)

²¹ Quisoso yanohuitatonaꞌ, Pinipi nontiipi. Pinipisoꞌ Pitsaitaquë yaꞌhuërin, Cariria parti yaꞌhuërinsoꞌ. —Quiyantaꞌ iyasha Quisoso yanohuitopiraihuëꞌ, itopi.

Juan 12:21 ပူးပေါင်းရင်းမြစ်များ

Mateo 11:21

Corasinoquë yaꞌhuëpisopita, Pitsaitaquë yaꞌhuëpisopita, inapita yonquiaton, itapon: “¡Maꞌhuántacha canpitasoꞌ nisarama paya! Naꞌcon pënënpiranquëmahuëꞌ, co natëramacohuëꞌ. Ina marëꞌ parisitaramaꞌ. Naꞌcon nitotopiramahuëꞌ, co yaimaramacohuëꞌ. Tiroquë, Sitonquë, inaquëpitaso nipirinhuëꞌ co pënëntërahuëꞌ. Co inaquë caniaꞌpiroꞌsaꞌ aꞌnaroáchin anoyatërahuëꞌ. Inaquë naporahuë naporini, oshanëna marëꞌ sëchitonahuëꞌ. Saꞌcatën nininso aꞌmotonaꞌ, huarianoquë nipashimotochitonahuëꞌ. Co noyahuëꞌ yonquipisopitantaꞌ, nanianchitonahuëꞌ.

Mateo 2:2

—¿Insëquëtaꞌ nasha copirno nasitërin? Cotio copirno yaꞌconacasoꞌ nani nasitërin ipora. Yaꞌhuërai parti yaꞌhuasocoi, nasha tayora yaꞌnorinsoꞌ quënanai. Ina nicatoi: “Yosëri aꞌpaimarinsoꞌ nasitërin huachi,” taꞌtoi, huëꞌnai ina chinotapoi, itëraꞌpiapi.

Juan 1:48

—¿Onporahuatontaꞌ nohuitërancosoꞌ? itërin. —Coꞌhuara Pinipi nonchatërasënquënhuëꞌ, ninoto quënananquën. Iquira naraanaquë huënsëasënquën, quënananquën, itërin. Aquë niꞌton, co yaꞌpirin quëran chachin quënanaponahuëꞌ, napotërin niꞌton, Natanino paꞌyanin.

Juan 6:40

“Quëmasoꞌ tëhuënchachin Yosë huiꞌninquën,” itatomaco imapatamaco, Yosë nohuitatomaꞌ nanpimiatarama huachi. Ayaroꞌ tahuëri ananpitaantaranquëmaꞌ. Ina Yosë nohuantërin, itërin Quisosori.