Juan 12:19 - Chayahuita (Shahui)

¹⁹ Natanahuatonaꞌ, parisioroꞌsaꞌ ninontopi. —Topinan quëran pënënpirëhuahuëꞌ, co piyapiꞌsaꞌ piꞌpisha tërantaꞌ natërinënpoahuëꞌ. ¡Niꞌcochi! ¡Naꞌcon naꞌcon piyapiꞌsaꞌ Quisoso imasapi! nitopi ninontatonaꞌ.

Juan 12:19 ပူးပေါင်းရင်းမြစ်များ

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Mateo 21:15

Cotio maistroꞌsaꞌ, corto huaꞌanoꞌsaꞌ, inapitasoꞌ niꞌsápi. Huaꞌhuaroꞌsaso nipirinhuëꞌ paꞌyatatonaꞌ, chiníquën nonsapi. “¡Ma noyacha Quisososo paya! Tapicoꞌ shiin inasoꞌ. Yosë chachin aꞌpatimarinpoasoꞌ,” tosapi. Ina natanahuatonaꞌ, huaꞌanoꞌsari noꞌhuipi.

Juan 12:18

Ina marëꞌ notohuaroꞌ piyapiꞌsaꞌ Quisoso nacapiaponaꞌ paꞌpi.

Juan 12:20

Aꞌnaquën Crico piyapiꞌsantaꞌ Quirosarinquë huëꞌpi. Nisha piyapi niponahuëꞌ, Yosë yonquiapi antaꞌ. Niyontonpiso tahuëri niꞌton, Yosë chinotacaiso marëꞌ huëꞌpi.

Juan 17:21

Inapitantaꞌ catahuaquëꞌ napopianachin yonquiꞌinaꞌ. Canpoꞌ ninosororëso pochin ninosoroꞌinaꞌ. Quëma huiꞌnanco niꞌto, yonquiranso chachin yonquirahuë. Inapitantaꞌ catahuaquëꞌ canpo pochachin yonquiꞌinaꞌ. Ina quëran aꞌnapitantaꞌ natëarinaco. ‘Yosëri chachin aꞌpaimarin,’ tosapi.

Juan 3:26

Ina quëran Coansha shaꞌhuitonpi. —Niꞌquëꞌ Maistro. Cortaniiꞌ aquëtëran nicasëhuaꞌ, inaquë Quisosontaꞌ nisarin niꞌton, anohuitërancoi. Iporasoꞌ inantaꞌ aporintarin. Naꞌa piyapiꞌsari imasapi. Co ina nápo quëmasoꞌ imasarinënquënhuëꞌ, itopi.

Hechos 17:6

co Paono yaꞌhuërinhuëꞌ. Co ina quënanatonahuëꞌ, Casono mapi. Aꞌnapita Quisoso imapisopitantaꞌ masahuatonaꞌ, ninano huaꞌanoꞌsaquë quëpapi. —Paono yaꞌipi parti paꞌsárin. Aꞌchintaton, notohuaroꞌ piyapiꞌsaꞌ anishacancantarin. Sirasëntaꞌ inachachin nisarin. Isëquëntaꞌ huëꞌpachinara,

1 Juan 2:2

Yaꞌhuërënamënpoaꞌ chiminin niꞌton, nontohuatëhuaꞌ, oshanënpoaꞌ inquitarinpoaꞌ. Oshanënpoaꞌ inquitatonpoaꞌ, nanan anoyatërinpoaꞌ. Yaꞌipi piyapi marëꞌ chiminin. Yaꞌipinpoaꞌ oshanënpoaꞌ inquitinpoasoꞌ nohuantopirinhuëꞌ.