Juan 12:17 - Chayahuita (Shahui)

¹⁷ Nasaro ananpitaantarinsoꞌ niꞌpisopita shaꞌhuirápi. “Tëhuënchachin chiminpirinhuëꞌ, catapini tahuëri quëran Quisosori ananpitaantarin. Poꞌmopi quëran përarin quiyari niꞌnai,” tosapi.

Juan 12:17 ပူးပေါင်းရင်းမြစ်များ

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 1:32

Co Quisoso nohuichatërapohuëꞌ, Yosë shaꞌhuitërinco. ‘Aꞌna tahuëri Ispirito Santo nëpë pochin nohuaraimarahuaton, aꞌna quëmapi motoanshiranënquë chachin huanitimarin, niꞌsaran. Quëmasoꞌ iꞌquë aporintëran. Ina quëmapiso nipirinhuëꞌ Ispirito Santo ayaꞌcoancantarinquëmaꞌ,’ itërinco Yosë. Ispirito Santo inápa quëran oꞌmahuachina, niꞌnahuë. Nëpë pochin yaꞌnoton, Quisoso motoanshiranënquë chachin huanitiimarin.

Juan 1:34

Cari niꞌnahuë. Napoaton nani nohuitato, shaꞌhuitaranquëmaꞌ. Iso quëmapi Yosë huiꞌnin, tënahuë,” itërin Coanshari.

Juan 11:31

Maria manorahuachina, cotioroꞌsaꞌ huëꞌpisopitari niꞌsapi. “Naꞌpi naninquë naꞌnëapon paꞌsamara,” taꞌtonaꞌ imapi.

Juan 11:42

Nani tahuëri natanatonco, catahuaranco noya nicaꞌhuaso marëꞌ. Quëma chachin isoroꞌpaquë aꞌpaimaranco. Casoꞌ nitotopirahuëꞌ, isopitasoꞌ co nitotopihuëꞌ. Inapita natëinacoso marëꞌ aꞌninquëchin nontaranquën, tënin.

Juan 12:9

Quisoso Pitaniaquë yaꞌhuëasoꞌ, naꞌa cotioroꞌsaꞌ natantopi. Ina natantahuatonaꞌ, huëꞌpi Quisoso nicaponaꞌ. Nasarontaꞌ yaniꞌpi. Quisosori ananpitaantarin niꞌton, yaniꞌpi.

Juan 19:35

Cari chachin niꞌnahuë. Noꞌtëquën shaꞌhuitaranquëmaꞌ canpitantaꞌ nitotatomaꞌ natëcamaso marëꞌ.

Juan 21:24

Nani carinquëmasoꞌ shaꞌhuitëranquëmaꞌ. Noꞌtëquën ninshitëranquëmaꞌ. Yaꞌipiya nicatoi, nitotërai.

Hechos 5:32

Ina nitotatoi shaꞌhuirárai. Ispirito Santorintaꞌ inachachin anitotarin. Yosë natëhuatëhuaꞌ, Ispirito Santo ayaꞌcoancantarinpoaꞌ, itërin Pitrori.

Apocalipsis 1:2

Aꞌnotohuachincora, niꞌnahuë. Ina nicato, noꞌtëquën ninshitaranquëmaꞌ. Quisocristo chachin Yosë nanamën anitotërinco.