Juan 11:55 - Chayahuita (Shahui)

⁵⁵ Pascoa tahuëri naniriahuachina, naꞌa piyapiꞌsaꞌ Quirosarinquë paꞌpi. Coꞌhuara Pascoa naniyátërasohuëꞌ, Yosë chinotopiso pëiquë paꞌpi. “Moisësë camaitërinsoꞌ nipatëhuaꞌ, Yosë noya niꞌsarinpoaꞌ,” taꞌtonaꞌ, paꞌpi.

Juan 11:55 ပူးပေါင်းရင်းမြစ်များ

Génesis 35:2

Napotohuachina Cacoposoꞌ, yaꞌipi huiꞌninpita, saꞌinpita, piyapinënpita, inapita camairin: —Yaꞌipi nisha nisha mamanshiroꞌsa chinotëramasoꞌ, aꞌpocoꞌ. Aꞌpoatoma quëshico paꞌpitahuaꞌ. Naporahuaton amarahuatomaꞌ, noya nininso iꞌnanpiracoꞌ.

Copo naporinso' 1:5

Nipërapiso tahuëriꞌsa naꞌhuëhuachina, Coposo tashíramiachin huënsëintarin. Yaꞌipi huiꞌninpita amatahuaton aꞌnaya aꞌnaya marëꞌ maꞌsharoꞌsa tëparin. Inapotahuaton oshanëna marëꞌ yaꞌipi ahuiquitërin: “Tapona huiꞌnahuëpitasoꞌ, cancanëna quëran Yosë noꞌhuitonaꞌ, pinoápirinahuëꞌ,” taꞌton naporin. Nani nichicoshatopiquë naporin.

Éxodo 19:10

Naporoꞌ Siniorori itapon: —Paꞌmaton israiroꞌsa shaꞌhuitomaquëꞌ: Casáchin yonquiꞌinaco. Naporahuaton pëꞌsainatona noya nitapainaꞌ. Ipora tahuëri, tashirayanta inapoꞌinaꞌ. Ina tashiraya ca Sinioroco chachin oꞌmararahuë. Sinai motopi huiꞌnimotënꞌpaꞌ oꞌmararahuë. Yaꞌipi israiroꞌsanta chitoroquë oꞌmarahuësoꞌ, niꞌsapi.

Mateo 26:1

Nani aꞌchintohuachina, caꞌtanoꞌsanënpita itapon:

Mateo 26:2

—Catoꞌ tahuëri pahuanarin Pascoa nanicasoꞌ, nani nitotëramaꞌ. Naporoꞌ Yosë quëran quëmapico niporahuëꞌ, masarinaco. Masahuatonaco, corosëquë patanantarinaco, itërin.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Lucas 22:1

Catoꞌ tahuëri pahuanarin Pascoa nanicasoꞌ. Naporoꞌ cotioroꞌsaꞌ niyontonpi Yosëri iráca nichaꞌërinsoꞌ yonquicaiso marëꞌ. Ina tahuëri nanihuachina, nisha pan caꞌpi, co ahuëpocatopisohuëꞌ.

Juan 12:1

Saota tahuëri pahuanarin Pascoa nanicasoꞌ. Naporoꞌ Quisoso Pitaniaquë paantarin. Inaquë Nasaro yaꞌhuërin, ananpitaantarinsoꞌ.

Juan 13:1

Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Juan 18:28

Tashíramiachin nisahuasoꞌ, Caihuasë pëinën quëran quëparahuatonaꞌ, Noma huaꞌan pëinënquë quëpapi. Cotioroꞌsaso nipirinhuëꞌ co inaquë yaꞌconpihuëꞌ. “Nisha piyapiꞌsaꞌ pëinënquë yaꞌconpatëhuaꞌ, oshahuanarihuaꞌ. Ina quëran co nanitarihuahuëꞌ Pascoa cosharoꞌ capacasoꞌ,” topi.

Juan 2:13

Pascoa tahuëri cotioroꞌsaꞌ niyontonpi Yosëri Iquipito quëran nichaꞌërinsoꞌ yonquiantacaiso marëꞌ. Ina naniriahuachina, Quirosarinquë paantarai.

Juan 2:6

Inaquë saota panca orinan yaꞌhuërin, naꞌpi quëran nipisoꞌ. Aꞌna orinanquëáchin catapini rata pochin yaꞌconin. Moisësë pënëntërinsoꞌ natëtonaꞌ oshanëna inquicaiso marëꞌ acopisoꞌ.

Juan 5:1

Ina quëran cotio niyontonpiso tahuëri naniriarin. Naporoꞌ Quisoso Quirosarinquë paantarin.

Juan 6:4

Pascoa tahuëri naniriarin. Naporoꞌ cotioroꞌsaꞌ niyontonpi Yosë yonquicaiso marëꞌ.

Hechos 21:24

Inapita quëparahuaton, catahuaquëꞌ iráca pënëntërinsoꞌ natëcaiso marëꞌ. Yosë chinotopiso pëiquë quëparahuaton, pahuërapitëquëꞌ maꞌsha Yosë marëꞌ tëpacaisoꞌ. Ina quëran niyaꞌirapi. Inapotohuatan, yaꞌipi piyapiꞌsaꞌ niꞌsarinënquën. “Paonontaꞌ Moisësë pënëntërinsoꞌ natërin. Nonpin nanan natantërëhuaꞌ,” tosapi.

Hechos 21:26

Itohuachina, “Noyahuaꞌ. Napoꞌi nipachin,” itërin Paonori. Tahuëririnquë catapiniyaꞌpi quëparin. Iráca pënëntërinsoꞌ natërahuatonaꞌ, Yosë chinotopiso pëiquë yaꞌconpi. Yaꞌconahuatonaꞌ, corto huaꞌan shaꞌhuitopi: “Canchisë tahuëri huëꞌsápoi Yosë camaitërinsoꞌ natëtoi oshanëhuëi inquicaꞌhuaiso marëꞌ. Tahuëri nanihuachin, maꞌsha quësarai canpitari tëpatomaꞌ ahuiquitamaso marëꞌ,” itopi.

Hechos 24:18

Iráca pënëntërinsoꞌ natëto, Yosë chinotopiso pëiquë yaꞌconpirahuëꞌ, co mantaꞌ onporahuëꞌ. Co piyapiꞌsaꞌ ayontonahuëꞌ. Co ca nohuanto ninoꞌhuipihuëꞌ. Inaquë cotioroꞌsaꞌ Asia parti yaꞌhuëpisopita quënaninaco.

1 Corintios 11:28

Napoaton canpitaora yonquinëma quëran noꞌtëquën yonquicoꞌ. Piꞌpisha tërantaꞌ co noyahuëꞌ yonquihuatamaꞌ, naniantocoꞌ. Noyapiachinsáchin cancantatomaꞌ, caꞌcoꞌ, oꞌocoꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.