Juan 11:53 - Chayahuita (Shahui)

⁵³ Naporo tahuëri quëran huarëꞌ cotio huaꞌanoꞌsaꞌ yonquipi Quisoso tëpacaiso marëꞌ.

Juan 11:53 ပူးပေါင်းရင်းမြစ်များ

Génesis 37:18

Inapitarintaꞌ, áquë quëran Cosi quënanpi. Quënanahuatonaꞌ, coꞌhuara yaꞌcarichátërasohuëꞌ, tëpacaiso marëꞌ aꞌnaroáchin yonquipi.

Nehemías 4:16

Naporo quëran huarëꞌ, patomachin piyapinëhuëpita pairaquë sacatopi. Patoma chachin: Sahuëni, nansa, iscoto, pëꞌchinan, inapita sëꞌquëatona aꞌpaitapi. Huaꞌna cotonsáchin aꞌmomantapi. Huaꞌanoꞌsarinta sacatoroꞌsa noya catahuapi. Naꞌpi pëꞌpëroꞌsanta chiꞌyatapona pochin niyatainpita sacatapi. Yaꞌipi sacatoroꞌsa sahuëninënaꞌ, pëꞌtënpiquëranchin sacatapi. Tronpita camayonta ca pirayan huanirin.

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Jeremías 38:15

—Natanancosoꞌ shaꞌhuitohuatënquën, atëpataponco. Maꞌsona nicacasoꞌ shaꞌhuitohuatënquëntaꞌ, co natëarancohuëꞌ, itërahuë.

Jeremías 38:4

Inapita huaꞌanoꞌsasoꞌ, copirno nontapona paꞌpi: —Irimiasësoꞌ, yaꞌipi sontaroꞌsa iso ninanoquë yaꞌhuëpiso pënënaton aꞌpayanin. Yaꞌhuëhuanoꞌsanta inapotërin. Inaso co yacatahuarinpoahuëꞌ. Canainënpoaso nohuantaton napoarin niꞌton, chiminacaso yaꞌhuërin, itoonpi.

Mateo 12:14

Ina nicatona parisioroꞌsasoꞌ pipipi. Pipirahuatonaꞌ, Quisoso tëpacaiso marëꞌ yonquipi huachi.

Mateo 16:21

Naporo quëran huarëꞌ chiminacasoꞌ ninoton, caꞌtanoꞌsanënpita shaꞌhuitërin: —Quirosarinquë paꞌpato, naꞌcon parisitaꞌhuasoꞌ yaꞌhuërin. Cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita co huachi quëꞌyaarinacohuëꞌ. Tëpaarinaco. Chiminaporahuëꞌ, cara tahuëri quëran Yosë ananpitaantarinco, itërin.

Mateo 22:46

Natanaponaraihuëꞌ, co mantaꞌ aꞌpanitopihuëꞌ. “Yosë huiꞌnin chachin niꞌton, Tapiri Cristo chinotërin,” taꞌcaiso nipirinhuëꞌ, co yanatëpihuëꞌ. Napoaton naporo quëran huarëꞌ tapanatonaꞌ, co huachi nohuantopihuëꞌ Quisoso natanacaisoꞌ.

Mateo 26:4

Inaquë niyontonahuatonaꞌ, ninontapi Quisoso tëpacaiso marëꞌ. —Ama pita tahuëri chachin maahuasohuëꞌ, piyapiꞌsaꞌ noꞌhuihuachinënpoaꞌ. Quisoso paꞌyatapi niꞌton, ahuëarinënpoaꞌ. Napoaton poꞌoana quëran maahuaꞌ, nitopi.

Mateo 26:59

Corto huaꞌanoꞌsaꞌ, cotio huaꞌanoꞌsaꞌ inapitari yatëpapi niꞌton, aꞌnaya aꞌnaya yonípi Quisoso shaꞌhuirapicaiso marëꞌ.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Marcos 3:6

Parisioroꞌsasoꞌ noꞌhuitatonaꞌ, pipipi. Irotisë piyapinënpita quënanconahuatonaꞌ, ninontopi Quisoso tëpacaiso marëꞌ.

Juan 11:47

Ina natanahuatonaꞌ, parisioroꞌsaꞌ, corto huaꞌanoꞌsaꞌ, inapita napopianáchin yonquiatonaꞌ, yaꞌipi cotio huaꞌanoꞌsaꞌ ayontonpi ninontacaiso marëꞌ. —¿Maꞌtaꞌ onpotahuaꞌ? Ina quëmapi naꞌa piyapiꞌsaꞌ aꞌnaroáchin anoyatarin. Iporantaꞌ aꞌna piyapi chiminpirinhuëꞌ, ananpitaantarin. “Yosëri chachin catahuarin,” topi.

Juan 12:10

Ananpitaantarinso marëꞌ naꞌayaꞌpi co huachi cotio huaꞌanoꞌsaꞌ yanatëpihuëꞌ. Inapita aꞌporahuatonaꞌ, Quisoso imasapi. Napoaton huaꞌanoꞌsari yonquipi Nasarontaꞌ tëpacaiso marëꞌ.

Juan 7:1

Ina quëran huaꞌquimiáchin Quisoso Cariria parti yaꞌhuërarin. Cotioroꞌsari yatëpapi niꞌton, co Cotia parti yapaꞌninhuëꞌ.

Hechos 5:33

Cotio huaꞌanoꞌsari natanahuatonaꞌ, chiníquën noꞌhuiantarahuatonaꞌ, yatëpapirinahuëꞌ.

Hechos 9:23

Napoaton huaꞌqui quëran cotioroꞌsari tëpacaisoꞌ yonquipi.