Juan 11:45 - Chayahuita (Shahui)

⁴⁵ Cotioroꞌsaꞌ huëꞌpisopitantaꞌ niꞌpi. Ananpitaantarinsoꞌ niꞌsahuatonaꞌ, naꞌa natëpi. “Tëhuënchachin Yosëri catahuarin niꞌton, naporin,” topi.

Juan 11:45 ပူးပေါင်းရင်းမြစ်များ

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Juan 10:41

Naꞌa piyapiꞌsaꞌ ina nicaponaꞌ paꞌpi. Ina niꞌsahuatonaꞌ, ninontopi. —Coanshasoꞌ co piyapiꞌsaꞌ aꞌnaroáchin anoyatopirinhuëꞌ, noꞌtëquën shaꞌhuitërinpoaꞌ. “Quisososoꞌ Yosëri aꞌpaimarinsoꞌ,” itohuachinpoara, noꞌtëquën nonin, nitopi.

Juan 11:19

Naꞌa cotioroꞌsaꞌ nani huëꞌpi Marta, Maria, inapita achinicancanaponaꞌ. Yoꞌinaꞌ chimininso marëꞌ nontapi ama aquëtëꞌ sëtacaiso marëhuëꞌ.

Juan 11:31

Maria manorahuachina, cotioroꞌsaꞌ huëꞌpisopitari niꞌsapi. “Naꞌpi naninquë naꞌnëapon paꞌsamara,” taꞌtonaꞌ imapi.

Juan 12:42

Napoaponahuëꞌ, naꞌamiachin cotioroꞌsaꞌ huaꞌanoꞌsanënpitarë chachin natëpi. Napopirinahuëꞌ, parisioroꞌsaꞌ tëꞌhuatatonaꞌ, co aꞌninquëchin shaꞌhuipihuëꞌ. “Niyontonpiso pëiroꞌsa quëran ocoihuachinënpoaꞌ,” taꞌtonaꞌ, taꞌtápi.

Juan 2:23

Pascoa tahuëri inaquë yaꞌhuasocoi, Quisoso Yosë pochachin ninin. Piyapiꞌsaꞌ aꞌnaroáchin anoyatërin. “Yosëri catahuarin,” taꞌtonaꞌ, aꞌnaquën natëpi.

Juan 7:31

Huaꞌanoꞌsarisoꞌ noꞌhuipirinahuëꞌ, naꞌa piyapiꞌsari Quisoso yanatëpi. —Cristo oꞌmahuachin, iso quëmapi quëran naꞌcon naꞌcon taꞌmaꞌ ¿Yosë pochin niquimarëꞌpo ti? topi.