Juan 11:4 - Chayahuita (Shahui)

⁴ Ina natanahuaton, caꞌtanoꞌsanënpita itapon: —Tëhuënchachin yoꞌin chiníquën canioponahuëꞌ, co chiminacaso marëꞌ caniorinhuëꞌ. Noyatohuachin, naꞌa piyapiꞌsari nicatonaꞌ, naꞌcon naꞌcon Yosë yonquiapi. “Ma noyacha Yosësoꞌ niꞌton, anoyatërin paya,” tosapi. Cantaꞌ ina huiꞌninco niꞌton, noya niꞌsarinaco. Ina marëꞌ caniorin, itërin.

Juan 11:4 ပူးပေါင်းရင်းမြစ်များ

Éxodo 16:7

Tashirayanta tashíramiachin Sinioro huënaráchin huënaráchin aꞌpininsoꞌ, niꞌsaramaꞌ. Pinoramasoꞌ nani nataninquëmaꞌ. Quiya mini noꞌhuipiramacoihuëꞌ, Sinioro nohuanton pipirama niꞌton, ina pinorama huachi, itopi.

Juan 10:38

Co yanatëpiramacohuëꞌ, nani maꞌsha Yosë pochin ninahuë niꞌton, natëco. Ina quëran nitotarama Tata Yosë pochachin ninahuësoꞌ. Tata Yosëntaꞌ ca pochachin ninin, itërin.

Juan 11:40

—Ama imoya ina pochin yonquiquësohuëꞌ. Yosë yaꞌipiya nanitaparin. Natëhuatanco, Yosë nóya nininsoꞌ niꞌsaran, itërin.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 17:10

Yaꞌipi imarinacosopita imarinënquën quëmantaꞌ. Quëmari huiꞌnanpita pochin cancantëran. Napopianachin imarinënpoꞌ. Noya natërinaco niꞌton, piyapiꞌsaꞌ noya niꞌsarinaco.

Juan 17:5

Iráca coꞌhuara isoroꞌpaꞌ yaꞌhuëyátërasohuëꞌ, quëmaroꞌco noya noya yaꞌhuëpirahuëꞌ, aꞌpaimaranco. Iporasoꞌ, Tata, quëmataquë naquëranchin acoantaco quëmaroꞌco chachin yaꞌhuantaꞌi.

Juan 2:11

Naporoꞌ Quisoso caniaritërin Yosë pochin nicacasoꞌ. Piyapiꞌsari nicatonaꞌ: “Tëhuënchachin Yosëri catahuarin niꞌton, nanitaparin,” topi. Caꞌtanoꞌsanënpitacointa niꞌsahuatoi: “Quisososoꞌ, Yosëri aꞌpaimarinsoꞌ,” tënai. Canaquë naporin. Inaso ninanoꞌ, Cariria parti yaꞌhuërin

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Juan 8:54

—Casáchin “Noyaco,” tënahuë naporini, topinan quëran napoꞌitohuëꞌ. Nipirinhuëꞌ, Tata Yosë noya niꞌninco. Canpitantaꞌ: “Ina chinotërai,” tënamasoꞌ.

Juan 9:24

Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.

Juan 9:3

—Co inso oshanën marëꞌ ina pochin nasitërinhuëꞌ. Yosë nohuanton, ina pochin huaꞌhuatërin. Anoyatacaso marëꞌ naporin. Piyapiꞌsaꞌ niꞌpachinaꞌ, naꞌcon naꞌcon Yosë yonquiapi. “Ma noyacha Yosësoꞌ nanitaparin paya,” tosapi.

Romanos 11:11

Napoaton natanaranquëmaꞌ. ¿Israiroꞌsaꞌ co yanatëpihuëꞌ niꞌquëhuarëꞌ Yosëri aꞌpomiatërin ti? Co Yosëri aꞌpomiatërinhuëꞌ. Nipirinhuëꞌ, co imapihuëꞌ niꞌton, nisha piyapiꞌsantaꞌ Yosëri anoyacancantarin. Ina quëran israiroꞌsasoꞌ, apiratonaꞌ yonquiapi: “Canpoantaꞌ inapita pochin cancantohuatëhuaꞌ, Yosë noya niꞌsarinpoaꞌ,” tosapi.

Filipenses 1:11

Quisocristo catahuahuachinquëmaꞌ, noyasáchin nisaramaꞌ. Ina quëran aꞌnapitantaꞌ nicatënquëmaꞌ, Yosë yonquiapi. “Ma noya Yosëri catahuarin niꞌton, noya nipi. Ma noyacha Yosëso paya,” tosapi.

Filipenses 1:20

Co nohuantërahuëꞌ piꞌpian tërantaꞌ Yosë naniantaꞌhuasoꞌ. Inasoꞌ noyasáchin yonquirinpoaꞌ niꞌton, co atapanarincohuëꞌ, tënahuë. Coisë ocoiaponco nimara. Tëpaponco nimara. Co ina nitotërahuëꞌ. Co ina yonquirahuëꞌ. Ocoihuachinco, chiníquën cancantato, aꞌchiantarahuë aꞌnapitantaꞌ imacaiso marëꞌ. Tëpahuachinaco, piyapiꞌsaꞌ nicatonaco, naꞌcon naꞌcon Quisocristo yonquiaponaꞌ, tënahuë. Quisocristo natëcaꞌhuasoráchin yonquirahuë.

1 Pedro 1:21

Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.

1 Pedro 4:11

Aꞌnaquën Yosë nohuanton, nitotopi pënëntacaisoꞌ. Nitotohuatamaꞌ, Yosë noninso chachin pënëntocoꞌ. Aꞌnaquëontaꞌ Yosë nohuanton, caniaꞌpiroꞌsaꞌ, saꞌahuaroꞌsaꞌ, inapita catahuapi. Yosë catahuarinquëmaꞌ niꞌton, ina yonquiatomaꞌ, aꞌnapita noya catahuacoꞌ. Maꞌsona tërantaꞌ nipatamaꞌ, yaꞌipi cancanëma quëran nicoꞌ. Piyapiꞌsaꞌ nicatënënquëmaꞌ Yosë noya noya yonquicaiso marëꞌ inapocoꞌ. Yosësoꞌ noya noya ninin. Chini chiníquën nanantërin. Yaꞌipi piyapiꞌsari ina chinochinaꞌ. Quisocristo catahuarinpoaꞌ ina pochin cancantacasoꞌ. Amen.

1 Pedro 4:14

Imaramaso marëꞌ pinopachinënquëmaꞌ, Yosë noya niꞌsarinquëmaꞌ. Ispirito Santo yaꞌcoancantatënquëmaꞌ achinicancanarinquëmaꞌ niꞌton, noya cancantocoꞌ.