Juan 11:38 - Chayahuita (Shahui)

³⁸ Quisoso sëtaton, naꞌpi naninquë Nasaro poꞌmopiquë paꞌnin. Pancaraꞌpiquë nani paꞌcopitopi.

Juan 11:38 ပူးပေါင်းရင်းမြစ်များ

Génesis 23:19

Nani anoyatahuaton Apraansoꞌ, Maquipira naninquë saꞌincoꞌ poꞌmorin huachi. Noꞌpaꞌ paꞌaninquë napotërin. Ina noꞌpasoꞌ shaꞌhuirahuëso chachin, Mamiriri huaꞌanëntërinso noꞌpa quëran, piꞌi pipirinso parti quëparitërin. Ina roꞌtësoꞌ, Ipron itopi antaꞌ. Canaan parti yaꞌhuërin.

Mateo 27:60

naꞌpi nanin nasha nininquë poꞌmorin. Inaora marëꞌ paꞌanpirinhuëꞌ, inaquë poꞌmorin. Ina quëran pancaraꞌpi masho pitarahuatonaꞌ, paꞌcopitopi. Paꞌcopitahuatonaꞌ, patopi huachi.

Mateo 27:66

Napohuachina, paꞌpi. Pancaraꞌpi toꞌni pochin nininquë noyá paꞌpirapitopi. Napotahuatonaꞌ, sontaroꞌsaꞌ acopi. —Noya aꞌpaicoꞌ, itahuatonaꞌ patopi huachi.

Marcos 15:46

Morin nani paꞌanin niꞌton, corosë quëran nonën anohuarahuatonaꞌ, quëpapi. Soꞌpinahuatonaꞌ, naꞌpi naninquë poꞌmopi. Ina quëran pancaraꞌpi masho piꞌnapirahuatonaꞌ, paꞌcopitopi.

Marcos 8:12

Chiníquën sëtaton, itapon: —¿Maꞌmarëtaꞌ yaniꞌnamaꞌ? “Sacaiꞌ nininsoꞌ niquëꞌ niꞌiinquën,” itopiramacohuëꞌ, co Yosë nohuantërinhuëꞌ aꞌnotaꞌhuanquëmasoꞌ, itërin.

Lucas 24:2

Canconpachinara, pancaraꞌpi paꞌcopitopisoꞌ nani chiꞌhuincapi niꞌconpi.

Juan 11:33

Ina tosahuaton, naꞌnërárin. Cotioroꞌsantaꞌ naꞌnërápi. Ina niꞌsahuaton, Quisoso chiníquën sëtaton, co napion cancantërin.

Juan 20:1

Tomio tahuëri nipachina, tashiyachin Maria Mactarina paꞌnin Quisoso poꞌmopiquë nicapon. Co noya tahuëriyátërasohuëꞌ, canconin. Canconahuaton niꞌpirinhuëꞌ, naꞌpi paꞌcopitopisoꞌ chiꞌhuincapinan quënanconin.