Juan 11:19 - Chayahuita (Shahui)

¹⁹ Naꞌa cotioroꞌsaꞌ nani huëꞌpi Marta, Maria, inapita achinicancanaponaꞌ. Yoꞌinaꞌ chimininso marëꞌ nontapi ama aquëtëꞌ sëtacaiso marëhuëꞌ.

Juan 11:19 ပူးပေါင်းရင်းမြစ်များ

Génesis 37:35

Yaꞌipi huiꞌninpitari achinicancanpirinahuëꞌ, inaso co nohuanchátërarinhuëꞌ, sëtërinso inquicasoꞌ. Aquë aquëtë huiꞌnin marëꞌ naꞌnëton, naporin: “Chimipiroꞌsa yaꞌhuërinquë huiꞌnahuë quënancontaꞌ huarëꞌ sëtërahuësoꞌ copi tapo,” tënin.

Copo naporinso' 2:11

Coposoꞌ, cara amiconënpita yaꞌhuëtërin. Aꞌnasoꞌ, Irihuasë itopi. Inasoꞌ, Timan parti yaꞌhuërin. Aꞌnantaꞌ, Piritato itopi. Inantaꞌ, Soa parti yaꞌhuërin. Aꞌnantaꞌ, Sohuaro itopi. Inasoꞌ, Naamato parti yaꞌhuërin. Copo parisitërinsoꞌ inapitanta natantatonaꞌ, achinicancanacaiso marëꞌ paapacaiso yonquipi. Huëcatona niquënanpachinara, napopináchin Copo yaꞌhuërinquë canquipi.

Copo naporinso' 42:11

Iinpita, oshinpita, amiconënpita, yaꞌipi nohuitërinsopita, inapitari pëinënquë huëcapaipi. Huëꞌpachinara, inapitarë chachin noya noya cosharo caꞌpi. Naporoꞌ, parisitërinso marëꞌ achinicancanpi. Naporahuatonaꞌ, aꞌnaya aꞌnayari aꞌna tansëraꞌ prata quëtopi. Ina nisahuaton aꞌnara oro quëran nipisoꞌ poꞌmoitëra quëtëraꞌpiapi.

Lucas 10:39

Martasoꞌ cain yaꞌhuëtërin, Maria itopisoꞌ. Quisoso huëꞌpachina, yaꞌcariya huënsëquirin. Aꞌchininsoꞌ noya natanarin.

Lucas 10:42

Casáchin natancosoꞌ naꞌcon naꞌcon nohuantërahuë. Mariasoꞌ natanatonco, noya noya nisarin. Naꞌcon yonquirinco niꞌton, noya cancantomiatarin tënahuë, itërin Quisosori.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 11:1

Pitaniaquë aꞌna caniaꞌpi yaꞌhuërin, Nasaro itopisoꞌ. Catoꞌ oshinpita yaꞌhuëtërin, Maria, Marta inapita itopisoꞌ. Ina Maria aꞌna tahuëri Quisoso paꞌmorantëarin. Huaꞌsaiꞌ paꞌton nininsoquë paꞌmorantërahuaton, ainën quëran amirantërarin. Coꞌhuara inapoyátërasohuëꞌ, yoꞌin chiníquën caniorin.

Juan 11:31

Maria manorahuachina, cotioroꞌsaꞌ huëꞌpisopitari niꞌsapi. “Naꞌpi naninquë naꞌnëapon paꞌsamara,” taꞌtonaꞌ imapi.

Juan 11:33

Ina tosahuaton, naꞌnërárin. Cotioroꞌsantaꞌ naꞌnërápi. Ina niꞌsahuaton, Quisoso chiníquën sëtaton, co napion cancantërin.

Juan 11:36

Ina niꞌsahuatonaꞌ, cotioroꞌsaꞌ nitaponaꞌ: —Niꞌcoꞌ. Naꞌnërin antaꞌ. Paꞌpi nosororin inarintaꞌ, itopi.

Juan 11:45

Cotioroꞌsaꞌ huëꞌpisopitantaꞌ niꞌpi. Ananpitaantarinsoꞌ niꞌsahuatonaꞌ, naꞌa natëpi. “Tëhuënchachin Yosëri catahuarin niꞌton, naporin,” topi.

Juan 11:8

—Iꞌhuamiáchin Maistro, inaquë yaꞌhuëpisopita tëpainënquënso marëꞌ naꞌpiquë yatëꞌyarapirinënquënhuëꞌ, ¿inatohua chachin yapaantaran ti? itërai.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

2 Corintios 1:4

Maꞌsona tërantaꞌ onpohuatëhuaꞌ, ina catahuarinpoaꞌ noya cancantacaso marëꞌ. Achinicancaninpoaꞌ niꞌton, canpoantaꞌ nanitarihuaꞌ aꞌnapita catahuacasoꞌ. Inapitantaꞌ maꞌsha onpohuachinaꞌ, achinicancanarihuaꞌ. Yosë catahuarinpoaso pochachin inapitantaꞌ catahuarihuaꞌ.

1 Tesalonicenses 4:18

Inapita yonquiatomaꞌ, nishaꞌhuitocoꞌ noya cancantacaso marëꞌ. Ama sëtacaso marëhuëꞌ ina pochin niachinicancancoꞌ.

1 Tesalonicenses 5:11

Napoaton nani tahuëri nicatahuacoꞌ chiníquën cancantacamaso marëꞌ. Oꞌmantacasoꞌ tahuëri yonquiatomaꞌ, naꞌcon ninontocoꞌ noya noya imacamaso marëꞌ. Nani noya nicatahuaramaꞌ. Aquëtë chachin niachinicancancoꞌ.

1 Samuel 31:13

Inapotahuatonaꞌ, nara tashinantërinsoanaquë nansëna paꞌpitopi. Inapotatona canchisë tahuëri co coshataponaraihuëꞌ, sëtopiso nanipi.