Juan 11:16 - Chayahuita (Shahui)

¹⁶ —Huëcoꞌ iyaroꞌsaꞌ paꞌahuaꞌ canpoantaꞌ inarëꞌquënpoaꞌ chiminacaso marëꞌ, itërincoi Tomasë, catopiaꞌhua nininsoꞌ.

Juan 11:16 ပူးပေါင်းရင်းမြစ်များ

Mateo 10:3

Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Mateo 26:35

—Co Sinioro napoarahuëꞌ. Quëma imasaranquën niꞌton, yatëpapirinacohuëntaꞌ co onporontaꞌ nonpinapiaranquënhuëꞌ, itaantarin Pitrori. Inachachin topi yaꞌipiya.

Marcos 3:18

Antërisë, Pinipi, Partoromi, Matio, Tomasë, Tatio, inapitantaꞌ acorin. Aꞌnantaꞌ Santiaco itopi. Arpio huiꞌnin inasoꞌ. Aꞌna Simontaꞌ acorin. Iráca copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Lucas 22:33

—Sinioro, co casoꞌ aꞌpoaranquënhuëꞌ. Tashinan pëiquë poꞌmohuachinënquën, cantaꞌ yaꞌcoꞌin. Yatëpapirinacohuëntaꞌ, co tëꞌhuatarahuëꞌ, tënin Pitro.

Lucas 6:15

Matio, Tomasë, inapitantaꞌ acorin. Aꞌna Santiacontaꞌ acorin. Arpio huiꞌnin inasoꞌ. Aꞌnantaꞌ Simon itopi. Inasoꞌ copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Juan 11:15

Iꞌhuara aquëtëran co paatorahuëꞌ, co anoyatërahuëꞌ. Canpita naꞌcon naꞌcon natëamacoso marëꞌ isëquë ninarahuë. Inasoꞌ noya tënahuë. Iporaso nipirinhuëꞌ, huëcoꞌ inatohuaꞌ paꞌahuaꞌ, itërincoi.

Juan 11:8

—Iꞌhuamiáchin Maistro, inaquë yaꞌhuëpisopita tëpainënquënso marëꞌ naꞌpiquë yatëꞌyarapirinënquënhuëꞌ, ¿inatohua chachin yapaantaran ti? itërai.

Juan 13:37

—¿Onpoatontaꞌ Sinioro co apira nanitërahuëꞌ imaꞌhuanquënsoꞌ? ¡Imaranquën niꞌton, yatëpapirinacohuëntaꞌ, imamiataranquën! itërin.

Juan 14:5

—¿Intohuataꞌ Sinioro paꞌsaransoꞌ? Co nitotëraihuëꞌ. ¿Onporahuatoitaꞌ ira nohuichii? itërin Tomasëri.

Juan 21:2

Inaquë canchisë yaꞌpicoi nisarai. Aꞌnasoꞌ Simon Pitro. Aꞌnantaꞌ Tomasë, catopiaꞌhua itopisoꞌ. Aꞌnantaꞌ Natanino, Canaquë yaꞌhuërinsoꞌ. Sipitio huiꞌninpitacointaꞌ yaꞌhuërai. Aꞌnapitantaꞌ Quisoso caꞌtanpisopita, catoyaꞌpi, inapitaroꞌcoi canchisëcoi yaꞌhuërai.

Hechos 1:13

Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.