Juan 11:11 - Chayahuita (Shahui)

¹¹ Ina quëran itaantarincoi: —Iya Nasaro huëꞌërin. Nipirinhuëꞌ, paato ochinanconapo, itërincoi.

Juan 11:11 ပူးပေါင်းရင်းမြစ်များ

2 Reyes 4:31

Piyapinënsoꞌ, quëchitahuaton huaꞌanëni shaꞌhuitërinso chachin pitananën quëran nitopirinhuëꞌ, huaꞌhuashaso co pacaritërinhuëꞌ. Napohuachina huaꞌanën nacapiapon paantarin: —Camairancoso chachin nitopirahuëꞌ, huaꞌhuashaso co pacaritërinhuëꞌ, itërin.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Mateo 27:52

Nopaatohuachina, aꞌnaya aꞌnaya paꞌpitopisoꞌ niiꞌsoatërin. Aꞌnaquën Yosë imarinsopita iráca ayapirinahuëꞌ, nanpiantapi huachi.

Mateo 9:24

Quisosori itapon: —Yaꞌipinquëmaꞌ pipicoꞌ. Co sanapiaꞌhua chimininhuëꞌ. Topinan huëꞌësárin, itërin. —Co huëꞌërinhuëꞌ. Nani chiminin, itatonaꞌ tëhuapi.

Marcos 5:39

Yaꞌcontarahuaton, inapita itapon: —¿Onpoatomataꞌ naꞌnëtomaꞌ, noncaroaramasoꞌ? Co sanapiaꞌhua chimininhuëꞌ. Huëꞌësárin, itërin Quisosori.

Juan 11:10

Tashiso nipirinhuëꞌ iratohuatëra, iꞌparëꞌ. Capa aꞌpininsoꞌ niꞌton, iꞌparëꞌ, itërincoi.

Juan 11:12

—Huëꞌërin niꞌquëhuarëꞌ Sinioro, noyatapon, itërai.

Juan 11:13

Topinan huëꞌërin, topiraihuëꞌ. Nani chimininsoꞌ nitotaton, naporin.

Juan 11:3

Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

Juan 3:29

Niꞌcoꞌ. Quëmapi saꞌapachina, amiconëontaꞌ noya cancantërin. Noya nipayapi niꞌton, naporinsoꞌ natantaton, nóya cancantërin. Inapochachin cantaꞌ ninahuë. Naꞌcon piyapiꞌsaꞌ Quisoso imasapi niꞌton, nóya cancantërahuë.

Hechos 7:60

Ina quëran isonahuaton, chiníquën itantarin: “Tëparinacoso marëꞌ, ama Sinioro isopita anaꞌintëquësohuëꞌ,” itërin. Ina tosahuaton, chiminin.

1 Corintios 15:18

Co nanpiantarinhuë naporini, aꞌnaquën imapisopita nani chiminpi niꞌton, parisitopiquë paꞌitonahuëꞌ.

1 Corintios 15:34

Noꞌtëquën yonquiatomaꞌ, noyasáchin nicoꞌ. Ama huachi tëhuëcosohuëꞌ. Aꞌnaquëmaꞌ co Yosë nohuichátëraramahuëꞌ. Ina yonquiatomaꞌ, tapanacamasoꞌ yaꞌhuërin, tënahuë.

1 Corintios 15:51

Noya natanco iyaroꞌsaꞌ. Naꞌa piyapiꞌsaꞌ co nitotopirinahuëꞌ, shaꞌhuitaranquëmaꞌ. Co yaꞌipi imarëhuasopita chiminarihuahuëꞌ. Napoaponahuëꞌ, Yosë nohuanton, yaꞌipi imarëhuasopita nisha yaꞌnoarihuaꞌ.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

1 Tesalonicenses 5:10

Canpoa marëꞌ inasoꞌ chiminin. Aꞌnaquënpoaꞌ nanpiarëhuaꞌ, aꞌnaquënpoaꞌ chiminarihuarahuëꞌ, oꞌmantahuachin, yaꞌipi imarëhuasopita quëpantarinpoaꞌ. Inarëꞌquënpoaꞌ yaꞌhuëmiatarihuaꞌ.

Santiago 2:23

Yosë quiricanënquë ninshitërin: “ ‘Yosë noꞌtëquën nontërinco,’ tëninso marëꞌ Yosëri noya niꞌnin,” tënin. “Inasoꞌ Yosërëꞌ nipayarin,” tënin antaꞌ. Noꞌtëquën naporin.