Juan 10:9 - Chayahuita (Shahui)

⁹ Casáchin yaꞌcoana pochin ninahuë. Ca quëran yaꞌconpatamaꞌ, chaꞌësaramaꞌ. Ohuicaroꞌsaꞌ pipirahuatonaꞌ, noya coshatopi. Ina quëran yaꞌcoantapi. Inapochachin imarinacosopita noya paꞌsapi.

Juan 10:9 ပူးပေါင်းရင်းမြစ်များ

Salmos 95:7

Inaíchin Yosënënpoaꞌ. Canpoasoꞌ ina piyapinënpitanpoa ninëhuaꞌ. Ohuicaroꞌsa huaꞌanëni pastoquë noya aꞌpairin. Inapochachin Sinioronta noya aꞌpairinpoaꞌ. Ipora tahuëri ina nontarinquëma niꞌton, noya natanatoma yonquicoꞌ:

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Ezequiel 36:38

Ninanonëmapita ataꞌhuantatona tapitopirinëmahuëꞌ, paꞌpi notohuaroꞌ yaꞌhuëantapomaꞌ. Quirosarinquë pita tahuëri nanihuachin, paꞌpi notohuaroꞌ ohuicaroꞌsa Sinioro chinotatona tëpacaiso marëꞌ quëpaapi. Inapochachin ninanonëmaquë naꞌapomaꞌ. Inapotohuatënquëmaꞌ, naní quëran ca Sinioroco ninahuësoꞌ nitotaponaꞌ,’ tënin,” itërinco.

Juan 10:1

Ina quëran Quisosori aꞌchintaantarin. —Ohuicaroꞌsa naporin quëran aꞌchinchinquëmaꞌ natancoꞌ. Ohuicaroꞌsaꞌ aꞌpaicaiso marëꞌ pairapipi. Aꞌnaíchin yaꞌcoana yaꞌhuërin. Aꞌnaquën huëcaton, co yaꞌcoana quëran yaꞌconinhuëꞌ. Nanpërahuaton, yaꞌconin. Inasoꞌ co huaꞌanënhuëꞌ. Ihuatëꞌ, matararo, inapita ina pochin yaꞌconpi ohuica ihuatacaiso marëꞌ.

Juan 10:3

Ina huëꞌpachina, yaꞌcoana aꞌpainaꞌpiri nohuitaton, iꞌsoatërin. Ohuicanënpitarintaꞌ natanahuatonaꞌ, nohuianantopi. Aꞌnaya aꞌnaya nininën përapachina, co tëꞌhuatatonahuëꞌ, aꞌnaroáchin huëꞌpi. Huëꞌpachinara, quëparin panpatëroꞌ capacaiso marëꞌ.

Juan 10:7

Napoaton itaantarin: —Tëhuënchachin casoꞌ yaꞌcoana pochin ninahuë. Ohuica pairapipiquë yayaꞌconpatëra, yaꞌcoana quëran yaꞌconëꞌ.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Efesios 2:18

Quisocristo chiminin niꞌton, yaꞌipinpoaꞌ nanitërëhuaꞌ Tata Yosë nontacasoꞌ. Ispirito Santo catahuarinpoaꞌ niꞌton, ina nontohuatëhuara, noya nataninpoaꞌ.