Juan 10:8 - Chayahuita (Shahui)

⁸ Coꞌhuara huëꞌshatërasocohuëꞌ, naꞌa piyapiꞌsaꞌ aꞌchinpirinahuëꞌ, inapitasoꞌ ihuatëroꞌsa pochin nipi. Anishacancantacaiso marëꞌ aꞌchinpi. Imarinacosopitaso nipirinhuëꞌ, co inapita natëpihuëꞌ.

Juan 10:8 ပူးပေါင်းရင်းမြစ်များ

Jeremías 23:1

Aꞌna tahuëri Sinioro nontaantarinco: “Huaꞌanoꞌsasoꞌ, piyapinëhuëpita aꞌpaicaiso marëꞌ acorahuë. Inapitasoꞌ, aꞌpaitonaꞌpi ohuicaroꞌsa noya aꞌpairinso pochin nitacaiso yaꞌhuërin. Yaꞌhuëpirinhuëꞌ, co inapotopihuë niꞌton, piyapinëhuëpitasoꞌ, chihuëatona yanquëëpiso pochin nipi. Huaꞌanoꞌsa napopisopitasoꞌ, ¡maꞌhuántacha nisapi paya!” itërinco.

Ezequiel 34:2

“Quëmasoꞌ piyapinquën nipiranhuëꞌ, Israiro noꞌpaquë co noyahuëꞌ huaꞌanoꞌsa maꞌsona yonquirapirahuësoꞌ, shaꞌhuitëquëꞌ: ‘¡Maꞌhuantacha Israiro huaꞌanoꞌsanquëma nisarama paya! Canpitasoꞌ, canpitaora niaꞌpairamaꞌ. Aꞌpaitoroꞌsasoꞌ, ohuicanënpita aꞌpaicaiso yaꞌhuërin. Inapochachin canpitantaꞌ, aꞌpaitonaꞌpi pochin Yosë acorinquëmaꞌ, israiroꞌsa aꞌpaicamaso marëꞌ.

Juan 10:1

Ina quëran Quisosori aꞌchintaantarin. —Ohuicaroꞌsa naporin quëran aꞌchinchinquëmaꞌ natancoꞌ. Ohuicaroꞌsaꞌ aꞌpaicaiso marëꞌ pairapipi. Aꞌnaíchin yaꞌcoana yaꞌhuërin. Aꞌnaquën huëcaton, co yaꞌcoana quëran yaꞌconinhuëꞌ. Nanpërahuaton, yaꞌconin. Inasoꞌ co huaꞌanënhuëꞌ. Ihuatëꞌ, matararo, inapita ina pochin yaꞌconpi ohuica ihuatacaiso marëꞌ.

Juan 10:27

Casoꞌ ohuica pëꞌtahuanaꞌpi pochin ninahuë. Imarinacosopita ohuicanëhuëpita pochin niꞌnahuë. Nohuitërahuë. Noya nataninaco. Nontohuatëra, natëtonaco, imarinaco.

Juan 10:5

Nisha piyapiri yaquëpahuachina, co yaimapihuëꞌ. Co noninsoꞌ nohuianantatonahuëꞌ, taꞌananpipi, itërin Quisosori.

Hechos 5:36

Niꞌcochi. Iráca Tiotasë yaꞌhuërin. “Ca huaꞌan yaꞌcoanahuë,” topachina, catapini pasa pochin quëmapiꞌsari imapi. Imasapirinahuëꞌ, tëpahuachinara, yaꞌipi imapisopita yanquëëpi huachi.