Juan 10:31 - Chayahuita (Shahui)

³¹ Ina natanahuatonaꞌ, naquëranchin naꞌpiroꞌsaꞌ maantapi. Tëpacaiso marëꞌ maantapirinahuëꞌ,

Juan 10:31 ပူးပေါင်းရင်းမြစ်များ

Éxodo 17:4

Napotohuachinara, Moisësëso chiníquën Yosë nontërin. —¿Maꞌta Sinioro isopita onpochi? ¡Co huaꞌquiya quëranhuëꞌ naꞌpiquëtaponaco! itërin.

Mateo 12:14

Ina nicatona parisioroꞌsasoꞌ pipipi. Pipirahuatonaꞌ, Quisoso tëpacaiso marëꞌ yonquipi huachi.

Mateo 21:35

Aꞌpapirinhuëꞌ, inpriatonënpitari masahuatonaꞌ, ahuëpi. Aꞌnasoꞌ tëpapi. Aꞌnantaꞌ naꞌpiquë tëꞌyaratonaꞌ, tëpapi.

Mateo 23:35

Iráca quëran huarëꞌ noya quëmapiꞌsaꞌ pënëntopirinahuëꞌ, naꞌa tëpapi. Apiriꞌton noya quëmapi nipirinhuëꞌ, iini tëparin. Ina piquëran aꞌnaya aꞌnaya noya pënëntopirinahuëꞌ, tëparaꞌpiapi. Naꞌa piꞌipi napopi. Napoin quëran Sacariasë tëpapi antaꞌ. Piriquiasë huiꞌnin inasoꞌ. Yosë chinotopiso pëi iꞌiratëquë artaro yaꞌhuërinso aquëcha tëpapi. Canpitasoꞌ ina nitotapomarahuëꞌ, co natantochináchinhuëꞌ cancantëramaꞌ. Napoaton Yosë chiníquën anaꞌintarinquëmaꞌ.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 10:24

Naꞌa cotioroꞌsaꞌ canquirahuatonaꞌ, Quisoso ahuancanapipi. —Naꞌaroꞌ natanpirainquënhuëꞌ, ¿onporo huarëtaꞌ shaꞌhuitaponcoi? Quëmasoꞌ Cristonquën nipatan, noꞌtëquën shaꞌhuitocoi nitochii, itopi.

Juan 10:32

Quisosori itaantarin: —Tata Yosë shaꞌhuitërinco niꞌton, naꞌa piyapiꞌsaꞌ anoyatërahuë: ¿Insota anoyatërahuëso marëꞌ naꞌpiquë yatëparamaco? itërin.

Juan 11:8

—Iꞌhuamiáchin Maistro, inaquë yaꞌhuëpisopita tëpainënquënso marëꞌ naꞌpiquë yatëꞌyarapirinënquënhuëꞌ, ¿inatohua chachin yapaantaran ti? itërai.

Juan 5:18

Chinoto tahuëri piyapi anoyatërin niꞌton, cotioroꞌsari yatëpapi. “ ‘Yosësoꞌ tatahuë chachin,’ topachina, Yosë pochachin niconin,” taꞌtonaꞌ, aquë aquëtëꞌ yatëpapi.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Hechos 7:52

Iráca quëran huarëꞌ naꞌa pënëntonaꞌpiroꞌsaꞌ pënëntopirinahuëꞌ, ¿insotaꞌ shimashonëmapitari noya niꞌpi? Yaꞌipiya aparisitopi. “Aꞌna tahuëri noya noya nininsoꞌ oꞌmararin,” topachinara, noꞌtëquën ninopirinahuëꞌ, tëpapi. Ina quëran Cristo chachin oꞌmahuachina, shaꞌhuirapitomaꞌ, atëpatëramaꞌ.