Juan 10:3 - Chayahuita (Shahui)

³ Ina huëꞌpachina, yaꞌcoana aꞌpainaꞌpiri nohuitaton, iꞌsoatërin. Ohuicanënpitarintaꞌ natanahuatonaꞌ, nohuianantopi. Aꞌnaya aꞌnaya nininën përapachina, co tëꞌhuatatonahuëꞌ, aꞌnaroáchin huëꞌpi. Huëꞌpachinara, quëparin panpatëroꞌ capacaiso marëꞌ.

Juan 10:3 ပူးပေါင်းရင်းမြစ်များ

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Éxodo 33:17

—Natëranco niꞌton, nosororanquën. Napoaton caꞌtanaranquëmaꞌ, itërin Yosëri.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Isaías 42:16

Somarayaroꞌsanta ira co nohuitopisohuëꞌ, quëpatarahuë. Inapita marëꞌ tashinantërinsoꞌ, tahuëriya pochin atarantarahuë. Naꞌpiro iraroꞌsantaꞌ, siminto ira pochin atarantarahuë. Onpopionta inapochin acotarahuë.

Juan 10:14

Caso nipirinhuëꞌ noya huaꞌanën pochin ninahuë. Imarinacosopita nohuitërahuë. Cantaꞌ nohuitërinaco.

Juan 10:16

Aꞌnapita piyapiꞌsantaꞌ oshaquëran imasarinaco. Nisha piyapiroꞌsaꞌ niponaraihuëꞌ, yaimarinaco. Inapitantaꞌ nohuantërahuë imainacoso marëꞌ. Aꞌchintacasoꞌ yaꞌhuërin. Nanamëhuë natanpachinaꞌ, natëarinaco. Yaꞌipi imarinacosopita aꞌna huëntoínchin nisapi. Carisachin huaꞌanëntarahuë.

Juan 10:4

Ohuicanënpita quëpahuachina, quëchitërarin. Noninsoꞌ nohuianantatonaꞌ, imapi huachi.

Juan 10:9

Casáchin yaꞌcoana pochin ninahuë. Ca quëran yaꞌconpatamaꞌ, chaꞌësaramaꞌ. Ohuicaroꞌsaꞌ pipirahuatonaꞌ, noya coshatopi. Ina quëran yaꞌcoantapi. Inapochachin imarinacosopita noya paꞌsapi.

Juan 6:37

Aꞌnaquën Tata Yosë nohuanton, imasarinaco. Insosona imapachinaco, co onporontaꞌ aꞌpararahuëꞌ.

Juan 6:45

Pënëntonaꞌpiroꞌsaꞌ iráca ninshitopi. “Yaꞌipi piyapiꞌsaꞌ Yosëri aꞌchintarin,” topi, ninshitatonaꞌ. Tatahuë natanatomaꞌ natëhuatamaꞌ, imasaramaco.

Romanos 8:30

Nohuantërinpoaꞌ niꞌton, huëntonënquë chachin ayaꞌconinpoaꞌ. Oshanënpoaꞌ inquitatonpoaꞌ, noya niꞌninpoaꞌ. Ina nohuanton, aꞌna tahuëri inápaquë noya noya acoarinpoaꞌ.

1 Corintios 16:9

Yosë nohuanton, naꞌa piyapiꞌsaꞌ isëquë yaimapi niꞌton, aꞌchintárahuë. Aꞌnaquënsoꞌ noꞌhuipirinacohuëꞌ, pënëntárahuë. Naꞌamiachin imasapi.

Filipenses 4:3

Quëmantaꞌ iyasha naꞌcon catahuaranco niꞌton, inapita catahuaquëꞌ noya ninonchinaꞌ. Cato chachin nóya sanapiꞌsaꞌ. Naꞌcon catahuarinaco Quisoso nanamën aꞌchinaꞌhuaso marëꞌ. Iya Crimintintaꞌ noya catahuarinco. Aꞌnapitantaꞌ catahuarinaco aꞌchinaꞌhuaso marëꞌ. Co nininënpita isëquë ninshitopirahuëꞌ, Yosëri nohuitërin. Nanpirin quiricaquë nininënpita nani ninshitërin. Inaquë ninshitohuachinpoaꞌ, nanpimiatarihuaꞌ.

Colosenses 4:3

Quiya marëntaꞌ Yosë nontocoꞌ. Paꞌsápato, Quisocristo nanamën aꞌchinpirahuëꞌ. Ina marëꞌ tashinan pëiquë poꞌmorinaco. Naꞌa piyapiꞌsaꞌ co nanamën nitochátërapihuëꞌ. Inahuantaꞌ nitochinaꞌ. Napoaton Yosë nontohuatamaꞌ, quiya marëntaꞌ nontocoꞌ catahuaincoi aꞌchintohuatoira, Yosë nanamën nohuanchinaꞌ.

2 Timoteo 2:19

Yosë nanamënso nipirinhuëꞌ yaꞌhuárin, Yosë chachin acorinsoꞌ. Natëricho pëiꞌ achinirinsoꞌ pochin niꞌton, yaꞌhuëmiatarin. Cato quëran chachin ninshitopi. “Yaꞌipi imapisopita Yosëri nohuitërin,” tënin. “Quisocristo imapisopita nóya cancanchinaꞌ. Yaꞌipi co noyahuëꞌ yonquipisopita nanianchinaꞌ,” tënin antaꞌ.

1 Pedro 1:12

Ina quëran Yosëri anitotërin. “Pahuanarin nanicasoꞌ. Aꞌna tahuëri yaꞌhuëpisopita nitotacaiso marëꞌ ca nohuanton, ninoramaꞌ,” itërin Yosëri. Canpita iyaroꞌsaꞌ nitotacamaso marëꞌ ninopi. Iporasoꞌ ina noya nanan chachin aꞌchintërainquëmaꞌ. Inápa quëran oꞌmaton, Ispirito Santo catahuarincoi noya aꞌchinaꞌhuaiso marëꞌ. Anquëniroꞌsa quëran huarëꞌ yanitotopirinahuëꞌ, co yaꞌipiya nitotopihuëꞌ.

1 Juan 4:6

Quiyaso nipirinhuëꞌ Yosë nohuitatoi, noꞌtëquën aꞌchinai. Yosë imapisopita noya nataninacoi. Inasoꞌ noꞌtën nanan, topi. Co imapisopitasohuëꞌ nipirinhuëꞌ, co yanatërinacoihuëꞌ. Ispirito Santosoꞌ noꞌtëquënáchin nonin. Napoaton nonpin nanan paꞌyatopisopitasoꞌ co Ispirito Santo yanatëpihuëꞌ. Ina quëran nonpin nananoꞌsaꞌ nohuitërëhuaꞌ.

3 Juan 1:14

Co huaꞌquiya quëranhuëꞌ nicaponquën paꞌsarahuë, topirahuëꞌ. Paꞌpato, niquënanpatëhuaꞌ noanhuaꞌ.

Apocalipsis 20:15

Co nanpirin quiricaquë nininënpita yaꞌhuëhuachinahuëꞌ inaquë chachin aꞌpararin.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.

Apocalipsis 7:17

Niꞌcoꞌ. Huaꞌanëni ohuicanënpita noya aꞌpaiarin. Quëchitërahuaton, noya iiꞌ aꞌnotërin oꞌocaiso marëꞌ. Inapochachin Carniroaꞌhuari imapisopita aꞌpaiarin. Yosëꞌpaꞌ noya noya nanpiapi. Yosëri chachin naꞌnëiꞌ amitarin niꞌton, co huachi sëtaponahuëꞌ, itërinco.