Juan 10:29 - Chayahuita (Shahui)

²⁹ Tata Yosë nohuanton, imarinaco. Inasoꞌ chini chiníquën nanantërin. Co insontaꞌ nanitërinhuëꞌ Yosë quëran osërëcaisoꞌ.

Juan 10:29 ပူးပေါင်းရင်းမြစ်များ

Salmos 145:3

Siniorosoꞌ, chini chiníquën nanantërin. Inasáchin noya noya chinotahuaꞌ. Chiníquën nanantërinsoꞌ, co inquënpoa tëranta nitotarihuahuëꞌ.

Malaquías 1:14

Aꞌnaquëma pëꞌtahua huëntonëma quëran noya nininsoꞌ, huayonahuatomaꞌ: ‘Iso pëꞌtahua Sinioro marëꞌ acoarahuë,’ tënamaꞌ. Napoapomarahuëꞌ, naponin nininso quëshitomaco, ca marëꞌ tëparamaꞌ. Ina pochin nonpintësoꞌ, paꞌpi co noyahuëꞌ nicato ama huachi noya yaꞌhuëcaso marëhuëꞌ, shaꞌhuitarahuë. Yaꞌipi copirnoroꞌsa quëran, caso chini chiníquën nanantërahuë. Yaꞌipi isoroꞌpaquë nisha nisha piyapiꞌsa yaꞌhuërinsoꞌ, tëꞌhuatatonaco natërinaco. Caso Sinioroco yaꞌipi nanitapato, ina pochin shaꞌhuitaranquëmaꞌ,” itërin.

Juan 10:28

Ca nohuanto, nanpimiatapi. Co parisitopiquë paꞌsapihuëꞌ. Noya aꞌpaiarahuë. Co insontaꞌ osërëtarinacohuëꞌ.

Juan 10:30

Caso Tatahuëroꞌco napopináchin cancantërahuë, itërin Quisosori.

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

Juan 17:11

Co huaꞌquiya quëranhuëꞌ quëmataquë paantarahuë. Isoroꞌpasoꞌ patarahuë. Imarinacosopitaso nipirinhuëꞌ, isëquë yaꞌhuaponaꞌ. Quëma nohuanton, imasarinaco. Quëmasoꞌ Tata nóyanquën niꞌton, noya aꞌpaiquëꞌ imamiachinaco. Yaꞌipiya nanitaparan niꞌton, catahuaquëꞌ napopianachin yonquiꞌinaꞌ. Canpoꞌ ninosororëso pochin ninosoroꞌinaꞌ.

Juan 17:2

Nani chiníquën nanan quëtëranco yaꞌipi piyapiꞌsaꞌ huaꞌanëntaꞌhuaso marëꞌ. Quëma nohuanton, aꞌnaquën imasarinaco. Inapitasoꞌ anoyacancantërahuë quëma nohuitatënën nanpimiatacaiso marëꞌ.

Juan 17:6

Quëma nohuanton, aꞌnaya aꞌnaya imasarinaco. Isoroꞌpaquë yaꞌhuëpirinahuëꞌ, huayonan imainacoso marëꞌ. Napoaton, imasarinaco. Nani aꞌchintërahuë. Onpopinsona quëma cancantëransoꞌ nani anitotërahuë niꞌton, nohuitërinënquën. Inapitasoꞌ quëma piyapinënpita. Iráca quëran huarëꞌ yonquiran imainacosoꞌ. Quëma nanamën natëpi.

Juan 17:9

Imarinacosopita marëꞌ chiníquën nontaranquën. Huiꞌnanpita pochin niꞌnan. Iráca quëran huarëꞌ yonquiran imainacosoꞌ. Aꞌnapitasoꞌ co imarinacohuëꞌ. Co inapita marëꞌ nontaranquënhuëꞌ.

Juan 6:37

Aꞌnaquën Tata Yosë nohuanton, imasarinaco. Insosona imapachinaco, co onporontaꞌ aꞌpararahuëꞌ.