Juan 10:22 - Chayahuita (Shahui)

²² Ina quëran aꞌna cotio niyontonpiso tahuëri naniantarin. Naporoꞌ Yosë chinotopisoꞌ pëiꞌ iráca anoyataantapisoꞌ yonquiatonaꞌ, “Yosparinquën Sinioro,” itopi. Ina marëꞌ naꞌa piyapiꞌsaꞌ Quirosarinquë paꞌsapi. Quisosontaꞌ Yosë chinotopisoꞌ pëiquë paꞌnin. Oꞌnapi tahuëri niꞌton,

Juan 10:22 ပူးပေါင်းရင်းမြစ်များ

Esdras 6:16

Nani aꞌcanpachinara, yaꞌipi huënantapisopita capa cancantopi. Capa cancantatona pëi tënipisoꞌ, Yosë marëꞌ acopi.

Marcos 3:22

Cotio maistroꞌsantaꞌ Quirosarin quëran oꞌmarahuatonaꞌ, taponaꞌ: “Sopai huaꞌan Piirsipo itopisori yaꞌcoancantërin niꞌton, nani maꞌsha nanitaparin. Inari chiníquën nanan quëtërin sopairoꞌsaꞌ aꞌpacaso marëꞌ,” toconpi.

Juan 10:21

Aꞌnaquëniso nipirinhuëꞌ noya natanpi. —Co sopairi yaꞌcoancantërinhuëꞌ. Noya aꞌchintërinpoaꞌ. Huaꞌyantonaꞌpisoꞌ co ina pochin noninhuëꞌ. ¿Sopaintaꞌ taꞌmaꞌ somaraya anoyarayatacasoꞌ nanichitonhuëꞌ ti? topi.

Juan 10:23

ishpanamën pochin nininquë paꞌsarin, inaso “ishpana, Saromon ishpananën,” itopi nohuitatonaꞌ.