Juan 1:7 - Chayahuita (Shahui)

⁷ aꞌpininsoꞌ anohuitiinpoaso marëꞌ. Yaꞌipi piyapiꞌsari natëcaiso marëꞌ shaꞌhuirin.

Juan 1:7 ပူးပေါင်းရင်းမြစ်များ

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Juan 1:12

Quisocristo cancanën mapatëhuaꞌ, huiꞌnin pochin Yosë niꞌninpoaꞌ. Natërëhuasopitarachin huëntonënquë ayaꞌconinpoaꞌ.

Juan 1:15

Coansharintaꞌ niꞌnin. Niꞌpachina, piyapiꞌsaꞌ shaꞌhuitërin: “Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin huachi,” itërin.

Juan 1:19

Coansha pënëntápachina, corto huaꞌanoꞌsaꞌ, nihuiroꞌsaꞌ, inapita paꞌpi Coansha nontacaiso marëꞌ. Cotio huaꞌanoꞌsari aꞌpapi niꞌton, Quirosarin quëran paꞌsahuatonaꞌ, Coansha itaponaꞌ: “¿Inquëntaꞌ quëmasoꞌ?” itoonpi.

Juan 1:9

Shaꞌhuitërinpoaso chachin Quisocristo isoroꞌpaquë oꞌmarin. Oꞌmarahuaton, yaꞌipi piyapinpoaꞌ aꞌpintimarinpoaꞌ. Inasáchin noꞌtëquën anitotërinpoaꞌ.

Hechos 19:4

—Coanshaso pënëntërin co noyahuëꞌ yonquipisopita naniantacaiso marëꞌ. Ina quëran aporintërin. Nipirinhuëꞌ, co inasáchin shaꞌhuirinhuëꞌ. “Ca piquëran aꞌna quëmapi huëꞌsarin, Yosëri aꞌpaimarinsoꞌ. Ina imacoꞌ,” itërin antaꞌ. Napoaton Quisoso imacoꞌ, itërin Paonori.

Gálatas 3:26

Iporasoꞌ Quisocristo imapatëhuaꞌ, huiꞌninpita pochin Yosë niꞌninpoaꞌ.

Efesios 3:9

Iráca Yosëri yaꞌipi maꞌsha ninin. Naporo chachin yonquirinpoaꞌ anoyacancantinpoaso marëꞌ. Napoaponahuëꞌ, co yaꞌipi piyapiꞌsaꞌ shaꞌhuitërinhuëꞌ. Ipora huarëꞌ anitotërinco niꞌton, shaꞌhuitëranquëmaꞌ.

1 Timoteo 2:4

Yaꞌipi piyapiꞌsaꞌ nichaꞌëcasoꞌ nohuantërin. Nanamën noꞌtëquën nitochinaꞌ.

Tito 2:11

Inaora nohuanton, Yosë nosororinpoaꞌ. Niꞌton, huiꞌnin chachin aꞌpaimarin nanamën anitotinpoaso marëꞌ. Inasoꞌ yaꞌipi piyapinpoaꞌ nichaꞌëinpoasoꞌ nohuantërin.

2 Pedro 3:9

Aꞌnaquën napopi: “Yosë huaꞌquiarin. Naniantërinpoaꞌ,” topirinahuëꞌ, co huaꞌquirinhuëꞌ. Co topinan quëran shaꞌhuitërinpoahuëꞌ. Nosoroatonpoaꞌ, ninarárin. Co nohuantërinhuëꞌ aꞌna piyapi tërantaꞌ parisitopiquë pacacasoꞌ. Naꞌcon naꞌcon piyapiꞌsaꞌ co noyahuëꞌ yonquipisopita naniantacaiso marëꞌ ninarárin.