Juan 1:47 - Chayahuita (Shahui)

⁴⁷ Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

Juan 1:47 ပူးပေါင်းရင်းမြစ်များ

Salmos 32:2

Oshanënpoa Yosë shaꞌhuitohuatëra, inquitërinpoaꞌ. Inquitërinpoa niꞌton, inaso co piꞌpian tëranta ina yonquirinhuëꞌ.

Salmos 73:1

Yosësoꞌ, israiroꞌsanpoa paꞌpi nosororinpoaꞌ. Noyápiachin cancantohuatëhuaꞌ, nosororinpoaꞌ.

Juan 4:16

—Paaton imoya soꞌyan maconquëꞌ huëꞌin, itërin.

Juan 8:31

Ina quëran nasha imarinsopita itantarin: —Carinquëmaꞌ aꞌchintëranquëmasoꞌ noya natëhuatamaꞌ, noya imasaramaco.

Juan 8:39

—Apraan mini quiyaso tatanëhuëi, itopi. —Apraan pochin cancantëramaꞌ naporini, ina pochin noya niitomahuëꞌ.

Romanos 9:4

Piyapinënpita nicacaiso marëꞌ Yosëri acorin. Israiro shinpita nipi. Iráca quëran huarëꞌ Yosëri nohuantërin niꞌton, huiꞌninpita pochin nicacaiso marëꞌ acorin. Huënaráchin huënaráchin aꞌpintohuachina, shimashonënpitari quënanpi. Iráca chachin piyapinënpita nicacaiso marëꞌ inapitarëꞌ anoyatërin. Naporahuaton, pënëntërinso nanan shaꞌhuitërin. Noya chinotacaiso marëntaꞌ aꞌchintërin. Naꞌcon shaꞌhuitërin nichaꞌëcaso marëꞌ.

Romanos 9:6

Naꞌcon nitotaponaraihuëꞌ, notohuaroꞌ israiroꞌsaꞌ co Yosë natëpihuëꞌ. Napoaponahuëꞌ, Yosëri co topinan quëran shaꞌhuitërinhuëꞌ nichaꞌëcaso marëꞌ. Co yaꞌipi israiroꞌsaꞌ piyapinënpita pochin niꞌninhuëꞌ.

Filipenses 3:3

Yosë marcanën co nonënpoaquë niacotërëhuahuëꞌ. Cancanënpoaꞌ Yosë anoyacancantërinpoaꞌ. Cancanënpoa quëran ina chinotarëhuaꞌ. Ispirito Santo chachin catahuarinpoaꞌ noya chinotacaso marëꞌ. Co canpoara nanitërëhuahuëꞌ noya cancantacasoꞌ. Quisocristoíchin anoyacancantohuachinpoaꞌ, nichaꞌësarinpoaꞌ, tënëhuaꞌ. Napoaton canpoasoꞌ Yosë piyapinënpita ninëhuaꞌ.

1 Pedro 2:1

Yaꞌipi co noyahuëꞌ yonquiramasopita naniantocoꞌ. Ama iyaroꞌsaꞌ ninonpintocosohuëꞌ. Aꞌnaquën noyasha nonaponaraihuëꞌ, poꞌoana quëran co noyahuëꞌ nipi. Ama ina pochin nicosohuëꞌ. Yaꞌipi cancanëma quëran noꞌtëquën ninontocoꞌ. Aꞌnapita noya yaꞌhuëhuachinaꞌ, ama noyapatocosohuëꞌ. Ama pinotocosohuëꞌ.

1 Pedro 2:22

Inasoꞌ nóya ninin. Co mantaꞌ onporinhuëꞌ. Co piꞌpian tërantaꞌ nonpininhuëꞌ.

Apocalipsis 14:5

Co piꞌpisha tërantaꞌ nonpinpihuëꞌ. Noyápiachin cancantapi.