Juan 1:44 - Chayahuita (Shahui)

⁴⁴ Pinipisoꞌ Pitsaitaquë yaꞌhuërin. Ina ninanoquë chachin Antërisë, Pitro, inapitantaꞌ yaꞌhuëpi.

Juan 1:44 ပူးပေါင်းရင်းမြစ်များ

Mateo 10:3

Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Mateo 11:21

Corasinoquë yaꞌhuëpisopita, Pitsaitaquë yaꞌhuëpisopita, inapita yonquiaton, itapon: “¡Maꞌhuántacha canpitasoꞌ nisarama paya! Naꞌcon pënënpiranquëmahuëꞌ, co natëramacohuëꞌ. Ina marëꞌ parisitaramaꞌ. Naꞌcon nitotopiramahuëꞌ, co yaimaramacohuëꞌ. Tiroquë, Sitonquë, inaquëpitaso nipirinhuëꞌ co pënëntërahuëꞌ. Co inaquë caniaꞌpiroꞌsaꞌ aꞌnaroáchin anoyatërahuëꞌ. Inaquë naporahuë naporini, oshanëna marëꞌ sëchitonahuëꞌ. Saꞌcatën nininso aꞌmotonaꞌ, huarianoquë nipashimotochitonahuëꞌ. Co noyahuëꞌ yonquipisopitantaꞌ, nanianchitonahuëꞌ.

Marcos 3:18

Antërisë, Pinipi, Partoromi, Matio, Tomasë, Tatio, inapitantaꞌ acorin. Aꞌnantaꞌ Santiaco itopi. Arpio huiꞌnin inasoꞌ. Aꞌna Simontaꞌ acorin. Iráca copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Marcos 6:45

Ina quëran caꞌtanoꞌsanënpita itapon: “Potiquë yaꞌconahuatomaꞌ, aquëtëran pacoꞌ. Apira cantaꞌ paꞌsarahuë. Pitsaitaꞌpaꞌ paꞌahuaꞌ,” itërin. Caꞌtanoꞌsanënpita nani paꞌpachinara, piyapiꞌsaꞌ nontarin yaꞌhuëpiꞌpaꞌ paacaiso marëꞌ.

Marcos 8:22

Ina quëran Pitsaitaquë chinpiconpi. Inaquë somaraya nininsoꞌ Quisosoquë quëpi. “Sëꞌhuaquëꞌ Sinioro noyachin,” itopi.

Lucas 10:13

Ina quëran Quisoso taantarin: “Corasinoquë, Pitsaitaquë inaquëpita yaꞌhuëramasoꞌ, ¡maꞌhuantacha nisarama paya! Naꞌcon pënënpiranquëmahuëꞌ, co natëramacohuëꞌ. Ina marëꞌ parisitaramaꞌ. Tiroquë, Sitonquë, inaquëpitaso nipirinhuëꞌ co pënëntërahuëꞌ. Co inaquë caniaꞌpiroꞌsaꞌ aꞌnaroáchin anoyatërahuëꞌ. Inaquë naporahuë naporini, oshanëna marëꞌ sëtatonaꞌ, saꞌcatën nininsoꞌ aꞌmoitonahuëꞌ. Huarianoquënta nipaꞌsamototatonaꞌ co noyahuëꞌ yonquipisopita nanianchitonahuëꞌ.

Lucas 6:14

Aꞌnasoꞌ Simon. Nisha nininën acotërin. Pitro itërin. Iiontaꞌ acorin, Antërisë itopisoꞌ. Santiaco, Coansha, Pinipi, Partoromi,

Lucas 9:10

Caꞌtanoꞌsanënpita huëantarahuatonaꞌ, Quisoso shaꞌhuitiipi. “Nani aꞌchinai. Caniaꞌpiroꞌsantaꞌ anoyatërai,” itiipi. Napotohuachinara: “Huëcoꞌ iyaroꞌsaꞌ canpoara paꞌahuaꞌ,” itërin Quisosori. Itohuachina, Pitsaitaquë paꞌpi.

Juan 1:43

Tahuëririnquë Quisoso Caririaquë yapaꞌsarin. Paꞌsahuaton, Pinipi quënanconin. —Huëquëꞌ iyasha imacoꞌ, itërin. Itohuachina, imarin.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 1:46

—Nasaritoroꞌsasoꞌ, paꞌpi co noya piyapiꞌsahuëꞌ. ¿Aꞌna tërantaꞌ taꞌmaꞌ inaquë yaꞌhuërinsoꞌ noya nihuan nica? tënin Natanino. —Huëquëꞌ paꞌa nohuitonquëꞌ, itërin Pinipiri.

Juan 1:48

—¿Onporahuatontaꞌ nohuitërancosoꞌ? itërin. —Coꞌhuara Pinipi nonchatërasënquënhuëꞌ, ninoto quënananquën. Iquira naraanaquë huënsëasënquën, quënananquën, itërin. Aquë niꞌton, co yaꞌpirin quëran chachin quënanaponahuëꞌ, napotërin niꞌton, Natanino paꞌyanin.

Juan 12:21

Quisoso yanohuitatonaꞌ, Pinipi nontiipi. Pinipisoꞌ Pitsaitaquë yaꞌhuërin, Cariria parti yaꞌhuërinsoꞌ. —Quiyantaꞌ iyasha Quisoso yanohuitopiraihuëꞌ, itopi.

Juan 12:22

Ina natanahuaton, Antërisë shaꞌhuitonin. Naporahuaton, cato chachin paatonaꞌ, Quisoso shaꞌhuitonpi.

Juan 6:5

Quisoso natanacaiso marëꞌ notohuaroꞌ piyapiꞌsaꞌ canquirapi. Inapita quënanahuaton, Quisosori Pinipi itapon: —¿Intohuacha cosharoꞌ paꞌanë isopita capacaiso marëꞌ nicaya? itërin.

Juan 6:7

—Cato pasa tahuëri sacatatëꞌ canarësoquë paꞌanpirëhuahuëꞌ, co iso nápo piyapiꞌsaꞌ naniitonahuëꞌ, itërin Pinipiri.

Hechos 1:13

Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.