Juan 1:38 - Chayahuita (Shahui)

³⁸ Ina quëran tahuërëtahuaton, quënanincoi. —¿Onpoapomataꞌ? itërincoi. —Yanohuitërainquën Maistro. ¿Insëquëtaꞌ yaꞌhuaran? itërai.

Juan 1:38 ပူးပေါင်းရင်းမြစ်များ

1 Reyes 10:8

¡Saꞌanpita, yaꞌipi piyapinënpita, inapita nóya yaꞌhuëpi niꞌnahuë! Inapitasoꞌ nani tahuëri nonansoꞌ natanápatonaꞌ, capa cancantopi, tënahuë.

Salmos 27:4

Aꞌnaíchin maꞌsha Sinioro natainquën acotoco. Ina paꞌpi nohuantato napoarahuë. Quëma pëinënquë quëtoco yaꞌhuëꞌi. Inaquë yaꞌhuëato chinotaꞌinquën. Noyápiachin ninansoꞌ, niꞌsaꞌi.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 3:18

Yonquínahuan nipatëhuaꞌ, nanpirin nara caꞌnëso pochin ninëhuaꞌ. Yonquínahuan ninëhuaso coꞌsoꞌ aꞌpohuatëhuahuëꞌ, tëhuënchachin capa cancantarihuaꞌ.

Proverbios 8:34

Aꞌpaitonaꞌpisoꞌ, nani tahuëri yaꞌcoana aꞌpairin. Inso tëranta noya natanatonco ina pochin cancantohuachinco, tëhuënchachin capa cancantapon.

Lucas 10:39

Martasoꞌ cain yaꞌhuëtërin, Maria itopisoꞌ. Quisoso huëꞌpachina, yaꞌcariya huënsëquirin. Aꞌchininsoꞌ noya natanarin.

Lucas 14:25

Ina quëran Quisoso paantarin. Naꞌa piyapiꞌsari imasapirinahuëꞌ, tahuërëtahuaton, itapon:

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Lucas 19:5

Quisososoꞌ inaquë canconahuaton, nëꞌpëconin. —Iya Saquio, manóton nohuaraquëꞌ. Ipora tahuëri quëma pëinënquë yacahuaranquën, itërin.

Lucas 22:61

Naporo chachin Quisosori tahuërëtahuaton, Pitro notëërin. Niꞌsarin niꞌton, ninorinsoꞌ Pitrori yonquirin. “Ipora tashi chachin, coꞌhuara atari përashatërasohuëꞌ, cararoꞌ nonpinapiaranco,” ¿itërinco pora? taꞌton,

Lucas 8:38

Yapaꞌpachina, quëmapi achin huaꞌyantërinsori itërin: “Cantaꞌ imainquën, topirahuëꞌ,” itërin. —Ama huëquësohuëꞌ.

Juan 1:37

Natanahuatoi, Quisoso imarai.

Juan 1:39

—Huëcoꞌ niꞌquico, itërincoi. Paꞌsahuatoi, yaꞌhuërinquë canconai. Iꞌhuaraya niꞌton, inaquë iꞌhuatërai. Huaꞌquiꞌ ninontërai.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

Juan 12:21

Quisoso yanohuitatonaꞌ, Pinipi nontiipi. Pinipisoꞌ Pitsaitaquë yaꞌhuërin, Cariria parti yaꞌhuërinsoꞌ. —Quiyantaꞌ iyasha Quisoso yanohuitopiraihuëꞌ, itopi.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.

Juan 18:7

Ina quëran naquëranchin itantarin: —¿Intaꞌ yonisaramaꞌ? itantarin. —Quisoso Nasaritoquë yaꞌhuërinsoꞌ, itantapi.

Juan 3:26

Ina quëran Coansha shaꞌhuitonpi. —Niꞌquëꞌ Maistro. Cortaniiꞌ aquëtëran nicasëhuaꞌ, inaquë Quisosontaꞌ nisarin niꞌton, anohuitërancoi. Iporasoꞌ inantaꞌ aporintarin. Naꞌa piyapiꞌsari imasapi. Co ina nápo quëmasoꞌ imasarinënquënhuëꞌ, itopi.

Juan 4:31

Coꞌhuara canquiyatërasoihuëꞌ, Quisoso yaaꞌcapiraihuëꞌ. —Caꞌquëꞌ Maistro, itopiraihuëꞌ, co nohuantërinhuëꞌ.

Juan 6:25

Inaquë nonshirahuatonaꞌ, Quisoso quënanconpi huachi. —¿Onporotaꞌ Maistro isëquë huënan? itopirinahuëꞌ.

Hechos 10:21

Pitro nohuaramarahuaton, comisionoꞌsaꞌ nontërin. —Ca Simon Pitroco. ¿Onpoapomataꞌ huëꞌnamasoꞌ? itërin.

Hechos 10:29

Napoaton amatohuatancora, noya huëꞌnahuë. ¿Maꞌmarëtaꞌ amatëranco? itërin.

Rota naporinso' 1:16

Napotopirinhuëꞌ, Rotarisoꞌ itaantapon: —¡Ama aꞌshacha pataꞌhuanquënso shaꞌhuitocosohuëꞌ! Intohuaso paꞌpatan, inaquë canta paꞌsarahuë. Intohuaso yaꞌhuëhuatan, inaquë canta yaꞌhuëarahuë. Cantaꞌ, Israiro sanapi pochin nisarahuë. Quëma Sinioro chinotëransoꞌ, canta chinotarahuë.