Juan 1:31 - Chayahuita (Shahui)

³¹ Co carintaꞌ nohuitopirahuëꞌ, nani nohuitërahuë. Yosë aꞌparinco yaꞌipi piyapinënpita anohuitaꞌhuaso marëꞌ. Ina marëꞌ pënënato, iꞌquë aporintarahuë.

Juan 1:31 ပူးပေါင်းရင်းမြစ်များ

Malaquías 3:1

Yosë yaꞌipi nanitapaton shaꞌhuitaantarinquëmaꞌ: “Niꞌcoꞌ. Co huaꞌquiya quëranhuëꞌ, comisionëhuë aꞌpararahuë. Inasoꞌ, pënënatënquëma cancanëma anoyatarinquëmaꞌ. Noya ninarëso pochin nicasëmaꞌ, Sinioro oꞌmacaso marëꞌ napoarin. Ina Sinioro huaꞌqui ninarápiramahuëꞌ, aꞌnanaya chinotëramacoso pëiquë yaꞌconarin. Canpitaroꞌco anoyatërahuëso anitotiinquëmaso marëꞌ aꞌparahuësoꞌ, nani oꞌmacaso naniriarin. Ina canpitasoꞌ, naꞌcon nohuantërama niꞌcamasoꞌ.

Mateo 3:13

Ina quëran Quisoso Cariria quëran huëꞌnin. Cortaniquë canquirahuaton, Coansha nontërin aporintacaso marëꞌ.

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Juan 1:30

Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin.

Juan 1:32

Co Quisoso nohuichatërapohuëꞌ, Yosë shaꞌhuitërinco. ‘Aꞌna tahuëri Ispirito Santo nëpë pochin nohuaraimarahuaton, aꞌna quëmapi motoanshiranënquë chachin huanitimarin, niꞌsaran. Quëmasoꞌ iꞌquë aporintëran. Ina quëmapiso nipirinhuëꞌ Ispirito Santo ayaꞌcoancantarinquëmaꞌ,’ itërinco Yosë. Ispirito Santo inápa quëran oꞌmahuachina, niꞌnahuë. Nëpë pochin yaꞌnoton, Quisoso motoanshiranënquë chachin huanitiimarin.

Juan 1:7

aꞌpininsoꞌ anohuitiinpoaso marëꞌ. Yaꞌipi piyapiꞌsari natëcaiso marëꞌ shaꞌhuirin.

Hechos 19:4

—Coanshaso pënëntërin co noyahuëꞌ yonquipisopita naniantacaiso marëꞌ. Ina quëran aporintërin. Nipirinhuëꞌ, co inasáchin shaꞌhuirinhuëꞌ. “Ca piquëran aꞌna quëmapi huëꞌsarin, Yosëri aꞌpaimarinsoꞌ. Ina imacoꞌ,” itërin antaꞌ. Napoaton Quisoso imacoꞌ, itërin Paonori.