Josué 6:13 - Chayahuita (Shahui)

¹³ Ahuëtai marëꞌ noyá niacoatona quëchitopisopita, quëchitopi. Ina piquëran carniro pomon quëpapisopita pomontërëꞌnachin paꞌantapi. Ina piquëran Sinioro caposonën quëpapisopitanta paꞌsapi. Piquëran huarëꞌ aꞌnapita Israiro sontaroꞌsanta paꞌsapi.

Josué 6:13 ပူးပေါင်းရင်းမြစ်များ

Mateo 24:13

Canpitaso nipirinhuëꞌ noya ahuantocoꞌ. Co aꞌpohuatamacohuëꞌ, noya nichaꞌësaranquëma huachi.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Josué 6:12

Tahuëririnquë tashíramiachin Cosoisoꞌ capayataantarin. Yaꞌipi israiroꞌsanta capayatopi. Corto huaꞌanoꞌsantaꞌ, Sinioro caposonën maantarahuatona pitëantapi.

Josué 6:14

Naporonta aꞌnaroraꞌ ninano tahuitaantapi. Inarë nani catoro tahuitapi. Nani tahuitahuatonaꞌ, naquëranchin yaꞌhuëapiquë paantapi. Saota tahuëri inaposápi.

Josué 6:4

Iso pochin paꞌsaramaꞌ: Canchisë corto huaꞌanoꞌsa quëchinamën paꞌsapi. Carniro pomon sëꞌquërahuatona paꞌsapi. Ina piquëran canpitarëꞌco anoyatërëhuaso caposonën quëparapi. Corto huaꞌanoꞌsari pitënpi quëran quëparapi. Ina piquëran Israiro sontaroꞌsanta paꞌsapi. Canchisë tahuëri nanihuachinasoꞌ, canchisëro tahuitaramaꞌ. Corto huaꞌanoꞌsa papona pochin carniro pomon pihuisoi tahuitaramaꞌ.