Josué 5:2 - Chayahuita (Shahui)

² Naporo tahuëriꞌsa Siniorori Cosoi itapon: “Naꞌpi quëran cosoroaꞌhuaroꞌsa niquëꞌ. Inaquë israiroꞌsa marca acotëquëꞌ,” itërin.

Josué 5:2 ပူးပေါင်းရင်းမြစ်များ

Éxodo 4:25

Naporo chachin Sihuirari, cosoroaꞌhua naꞌpi quëran nipisoꞌ masahuaton, huaꞌhuin marca acotërin. Ina shaꞌhuëchin masahuaton, soꞌin taparonën caritërin. Inapotahuaton itapon: “Tëhuënchachin quëmasoꞌ, huaꞌhuahuë huënainën quëran paꞌpoyarinquën huachi,” itërin. Sihuira naporinso niꞌsahuaton, co huachi Yosëri Moisësë yatëparinhuëꞌ.

Romanos 2:29

Yaꞌipi cancanënpoa quëran Yosë imapatëhuaꞌ, tëhuënchachin piyapinënpita pochin niꞌsarinpoaꞌ. Marcanën cancanënpoaquë acotërinpoaꞌ. Co nonënpoaquë acotërinpoahuëꞌ. Ispirito Santo anoyacancantërinpoaꞌ. Ina quëran noya niꞌninpoaꞌ. Co piyapiꞌsaꞌ paꞌyatopirinënpoahuëꞌ, Yosësoꞌ noya niꞌsarinpoaꞌ.

Romanos 4:11

Yosë natërin niꞌton, inari noya niꞌnin. Coꞌhuara marca niacochatërasohuëꞌ, piyapinën pochachin niꞌnin. Ina piquëran marca niacotërin imarinsoꞌ anitotacaso marëꞌ. “Noꞌtëquën nontërinco,” topachina, noya niꞌnin. Nisha piyapiꞌsantaꞌ ina pochachin natëtohuachinara, Apraan pochin cancantopi. Co marca niacotopirinahuëꞌ, Apraan huiꞌninpita pochin nipi.

Deuteronomio 10:16

Co natantochináchinhuëꞌ cancantëramasoꞌ, aꞌpoco huachi. Siniororëꞌquënpoa anoyatërëhuasoꞌ, cancanëma quëran natëtochináchin cancantocoꞌ.

Deuteronomio 30:6

Naporoso canpoarëꞌ anoyatërinso cancanëmaquë chachin ninshitërëso pochin, acoarin. Inapotatënquëma natëtochináchin cancantamaso marëꞌ catahuarinquëmaꞌ. Yaꞌipi cancanëma quëran nisahuaton, yaꞌipi huaꞌyanëma quëran nosoroamaso marëꞌ inapotarinquëmaꞌ. Inapohuatamaꞌ, noꞌpaꞌ quëtërinquëmaquë, huaꞌqui tahuëri niꞌsaramaꞌ.

Colosenses 2:11

Iráca Yosë chinotopisopita marca niacotopi. Iporaso nipirinhuëꞌ Quisocristo imapatëhuaꞌ, nisha acotërinpoaꞌ. Co nonënpoaquë acotërinpoahuëꞌ. Cancanënpoaꞌ anoyatërinpoaꞌ. Co noyahuëꞌ yonquirëhuasopita inquitatonpoaꞌ, anoyacancantërinpoaꞌ niꞌton, nóya cancantarihuaꞌ.

Josué 5:3

Napotohuachina cosoroaꞌhuaroꞌsa nisahuaton Israiro quëmapiꞌsa marca acotërin. Araroti motopi itopiquë napotërin.