Josué 4:5 - Chayahuita (Shahui)

⁵ Huëꞌpachinara itapon: “Cortaniiꞌ yanirinquë huancanaquë huarëꞌ, pacoꞌ. Sinioronënpoa caposonën notënanquë aꞌnaya aꞌnayama aꞌnara naꞌpi macoꞌ. Israiroꞌsanpoasoꞌ, shonca cato huënton ninëhuaꞌ. Napoaton, aꞌnaya aꞌnaya mapatamaꞌ, shonca cato yaꞌipiya quëran naniarin.

Josué 4:5 ပူးပေါင်းရင်းမြစ်များ

Génesis 31:46

Naporoꞌ quëmopinënpita camairin: —¡Naꞌpiroꞌsa yontoncoꞌ! itërin. Itohuachina, yaꞌipiya quëran naꞌpiroꞌsa yontonpi. Aꞌmitë aꞌmitëtahuatonaꞌ, panca imopi. Ina quëran, yaꞌipiya coshatopi, naꞌpiroꞌsa aꞌmitë aꞌmitëtopiso pirayan coshatopi.

Éxodo 24:4

Ina quëran Yosë pënëntërinsoꞌ ama naniantacaiso marëhuëꞌ yaꞌipi ninshitërin. Tahuëririnquë aꞌcayan capayatahuaton, motopi nanimarinꞌpaꞌ, aꞌnara artaro ninin. Naporahuaton shonca cato naꞌpiroꞌsaꞌ, Yosë marëꞌ ahuanirin. Shonca cato huënton israiroꞌsanta yaꞌhuërin niꞌton, inanapo ahuanirin.

Deuteronomio 9:1

Naquëranchin Moisësëri israiroꞌsa nontaantarin: “Natanco israiroꞌsanquëmaꞌ: Nani nanirin Cortaniiꞌ pëntontatomaꞌ, chini chiníquën nacionoꞌsa yaꞌcontatoma minsëamasoꞌ. Inaquë inápa pairahuan ninanoroꞌsa yaꞌhuëpirinhuëꞌ, canpitari yaꞌcontatoma minsëaramaꞌ.

Josué 4:4

Napotohuachina, Cosoiso shonca cato quëmapiꞌsa huayoninso përarin.

Josué 4:6

Catahuainpoaso marëꞌ Siniorosoꞌ Cortaniiꞌ patomairin. Chini chiníquën nanantaton naporin. Ina ayonquiinpoaso marëꞌ, iso naꞌpiroꞌsa imoarëhuaꞌ. Aꞌna tahuëri huiꞌnamapita natanarinquëmaꞌ: ‘¿Maꞌta tapoma iso naꞌpiroꞌsa imoramaꞌ?’ itaponënquëmaꞌ. Napotohuachinënquëmaꞌ: ‘Yosë yonquiaꞌhuaiso marëꞌ imorai. Iráca corto huaꞌanoꞌsari, Sinioro caposonën pitënpi quëran Cortaniiꞌ pëntontacaiso marëꞌ iꞌnaitomapi. Iꞌnaitasoi chachin iꞌ nipatomairin. Inaporin niꞌton, noꞌpaꞌ paꞌtatoi pëntonai,’ itaramaꞌ,” itërin.