Josué 4:18 - Chayahuita (Shahui)

¹⁸ Corto huaꞌanoꞌsa pipihuachinara, naquëranchin Cortaniisoꞌ, inachachin niantarin. Coꞌhuara yaniyátëraponhuëꞌ paquiitërinso pochachin niantarin.

Josué 4:18 ပူးပေါင်းရင်းမြစ်များ

Josué 3:13

Corto huaꞌanoꞌsa Sinioro caposonën, pitënpi quëran nohuaraitapi. Inaso Sinioro, yaꞌipiroꞌpaꞌ huaꞌanëntërin. Ipora nohuaraitasoi chachin, Cortaniiso yanisarin huachi. Inapoaton pëtëtëran iꞌsha oꞌmarinsoꞌ, iꞌ paꞌcopitopiquë sanoirinso pochin nicapon,” itërin.

Josué 4:11

Naní quëran pëntonpachinara, corto huaꞌanoꞌsanta pëntonpi huachi. Siniororëꞌ anoyatopiso caposonën, pitënpi quëran pëntonpi. Nani pëntonahuatona naquëranchin quëchitaantapi.

Josué 4:17

Napotohuachina, Cosoisoꞌ pipicaiso marëꞌ camaitërin.

Josué 4:19

Pascoa yoquiquë shonca tahuëritapasoꞌ, israiroꞌsa Cortaniiꞌ yanirin quëran pëntonpi. Pëntonahuatona Quiricaro itopiquë chinotai marëꞌ nëꞌmëtë pëinëna ótëantapi. Quiricarosoꞌ Quirico quëran, piꞌi pipirinso parti quëparitërin.