Josué 4:14 - Chayahuita (Shahui)

¹⁴ Naporo tahuëri yaꞌipi israiroꞌsa niꞌtonënquë, Siniorori Cortaniiꞌ ayanirin. Ina nicatona Cosoi paꞌyatopi. Chiminaquë huarëꞌ paꞌyatatonaꞌ, tëꞌhuatapona huachi. Moisësë napotopiso pochachin, Cosointa nitapi.

Josué 4:14 ပူးပေါင်းရင်းမြစ်များ

1 Reyes 3:28

Naporinso yaꞌipi israiroꞌsa natantopi. Ina natantatonaꞌ, paꞌyanpi huachi: “Tëhuënchachin Yosëri catahuarin. Napoaton yonquínahuan pochin noꞌtëquën shaꞌhuirin,” topi.

2 Reyes 2:15

Naporinso nicatona pënëntonaꞌpiroꞌsa Quiricoquë yaꞌhuëpisopitasoꞌ: “Iniasë yaꞌcoancantërinso chachin, iporaso Irisionta yaꞌcoancantërin,” topi. Naporoꞌ paaparahuatona nontopi. Mónsho tahuatonaꞌ: —Niꞌquë maistro. Quiyasoꞌ, aꞌnatërápo shonca yaꞌpi chiníquën cancantonaꞌpicoi huëꞌnai. Paatoi maistronën yoniꞌi. Tapona Sinioro ispiritonëni otërahuaton, onpopinquë tëꞌyatërin. Motopiroꞌsaquëhuë nipon, motopianaroꞌsaquëhuë nipon tëꞌyatërinso yoniriꞌi, topiraihuëꞌ, itopi. Inariso napoaponahuëꞌ, itapon: —Ama pacosohuëꞌ, itërin.

Éxodo 11:3

Moisësëri shaꞌhuitërinso chachin, israiroꞌsaso maꞌsha natantacaiso marëꞌ paꞌpi. Paꞌpachinara, Yosë nohuanton iquipitoroꞌsa co noꞌhuitopihuëꞌ. Maꞌsona natantopisoꞌ quëtopi. Moisësënta tëꞌhuatatona noya niꞌpi. Copirno catahuapisopita huaꞌanoꞌsarinta ina pochachin Moisësë niꞌpi.

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Proverbios 24:21

(-)

Romanos 13:4

Yosëri acorin aꞌpainënpoaso marëꞌ. Nipirinhuëꞌ, co noyahuëꞌ nipatamaꞌ, tëꞌhuatocoꞌ. Co topinan quëran chiníquën nanan quëtërinhuëꞌ. Yosëri acorin co noyahuëꞌ nipisopita anaꞌintacaso marëꞌ.

1 Corintios 10:2

Marë quëran chaꞌërahuatonaꞌ, Moisësë imapi. Chitorontaꞌ quëchitërarin. (Inapochachin iporasoꞌ Quisocristo natërëhuaꞌ niꞌton, aporihuanatëhuaꞌ, imarëhuaꞌ.)

Josué 3:7

Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi.

Josué 4:13

Catapini shonca huaranca israiroꞌsa ahuëtai marëꞌ noyá niacopi. Inaporahuatonaꞌ, Sinioro caposonën notënanquë naꞌhuëpi. Paꞌsahuatonaꞌ, Quirico canonamatë parti notëtopi.

Josué 4:15

Naporoꞌ Siniorori Cosoi camairin:

1 Samuel 12:18

Ina tosahuaton Samoirosoꞌ Sinioro nontërin: Nontohuachina, naporo chachin ina nohuanton huira, oꞌnan, inapita anotërin. Naporoꞌ israiroꞌsasoꞌ, Sinioro paꞌpi tëꞌhuatopi. Samoironta tëꞌhuatopi.