Josué 4:13 - Chayahuita (Shahui)

¹³ Catapini shonca huaranca israiroꞌsa ahuëtai marëꞌ noyá niacopi. Inaporahuatonaꞌ, Sinioro caposonën notënanquë naꞌhuëpi. Paꞌsahuatonaꞌ, Quirico canonamatë parti notëtopi.

Josué 4:13 ပူးပေါင်းရင်းမြစ်များ

2 Reyes 25:5

Taꞌarapirinahuëꞌ, Papironia sontaroꞌsari imapi. Quirico canonamatë parti icantopi. Inaquë Sitiquiasësoꞌ, sontaronënpitari taꞌananpitona yanquëënanpipi.

Éxodo 13:18

Ichipëshonahuaton, conicaiso marëꞌ Quëhuaiꞌ marë parti quëparin. Inotëro parti ira paꞌninso paꞌtopi. Sontaroꞌsa pochin, israiroꞌsa Iquipito quëran pipipi.

Efesios 6:11

Sopai huaꞌan noyá nitotërin nonpinacasoꞌ. Nani tahuëri yanonpintërinpoaꞌ. Yosëso nipirinhuëꞌ chini chiníquën nanantaton, yacatahuarinpoaꞌ. Ina nontohuatëhuaꞌ, catahuarinpoaꞌ sopai minsëcasoꞌ. Sontaroꞌsaꞌ aꞌmopiso pochin nininsoꞌ Yosë quëtërinpoaꞌ ama sopai minsëinpoaso marëhuëꞌ.

Josué 4:12

Nopino, Cato, inapita Israiro huëntonoꞌsantaꞌ pëntonpi. Manasisi patoma huënton israiroꞌsantaꞌ, napopi. Moisësëri camairinso chachin noyá niacorahuatona pëntonpi. Inahuaꞌton quëchitapi.

Josué 4:14

Naporo tahuëri yaꞌipi israiroꞌsa niꞌtonënquë, Siniorori Cortaniiꞌ ayanirin. Ina nicatona Cosoi paꞌyatopi. Chiminaquë huarëꞌ paꞌyatatonaꞌ, tëꞌhuatapona huachi. Moisësë napotopiso pochachin, Cosointa nitapi.

Josué 5:10

Israiroꞌsasoꞌ inaquëranchin yaꞌhuëasoiꞌ, pascoa pita naꞌhuëpi. Catapini tahuëri pochin inaquë yaꞌhuëasoiꞌ, iꞌhuanahuanquë nispiratapi. Quiricarosoꞌ, Quirico ninano canonamatëquë yaꞌhuërin.