Josué 4:11 - Chayahuita (Shahui)

¹¹ Naní quëran pëntonpachinara, corto huaꞌanoꞌsanta pëntonpi huachi. Siniororëꞌ anoyatopiso caposonën, pitënpi quëran pëntonpi. Nani pëntonahuatona naquëranchin quëchitaantapi.

Josué 4:11 ပူးပေါင်းရင်းမြစ်များ

Isaías 52:12

Napoaponahuëꞌ yapipihuatamaꞌ, co manorahuatoma pipipomahuëꞌ. Co taꞌarëso pochin nisaramahuëꞌ. Sinioro chinotërëhuaso chachin, yaꞌipi parti paꞌnamaquë noya aꞌpaiarinquëmaꞌ.

Josué 24:11

Ina quëran canpitasoꞌ, Cortaniiꞌ pëntontëramaꞌ. Pëntontatoma Quirico ninanoquë canconamaꞌ. Ina ninanoquësoꞌ, nisha nisha piyapiꞌsa yaꞌhuëpi: Amororoꞌsaꞌ, huirisëroꞌsaꞌ, cananoꞌsaꞌ, itiroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita yaꞌhuëpi. Inapitaso chinitopirinënquëmahuëꞌ, carima catahuaranquëma niꞌton, inapita minsëramaꞌ.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.

Josué 3:8

Quëmariso nipirinhuëꞌ, corto huaꞌanoꞌsa camaiquëꞌ: ‘Siniororëꞌquënpoa anoyatërëhuaso caposonën, pitënama quëran Cortaniiquë canconpatamaꞌ, yonsansha huanicoꞌ,’ itëquëꞌ,” itërin.

Josué 4:10

Siniorori Cosoi quëran israiroꞌsa camairin. Yaꞌipi camaitërinso nicasoi corto huaꞌanoꞌsasoꞌ, Cortaniiꞌ yanirinso huáncana huanirápi. Siniororëꞌ anoyatopiso caposonën, pitënpi quëran huanirápi. Moisësënta ina pochin Cosoi camairin niꞌton, inapochin nipi. Manorahuatonaꞌ, Cortaniiꞌ yanirinso pëntontopi.

Josué 4:12

Nopino, Cato, inapita Israiro huëntonoꞌsantaꞌ pëntonpi. Manasisi patoma huënton israiroꞌsantaꞌ, napopi. Moisësëri camairinso chachin noyá niacorahuatona pëntonpi. Inahuaꞌton quëchitapi.

Josué 4:18

Corto huaꞌanoꞌsa pipihuachinara, naquëranchin Cortaniisoꞌ, inachachin niantarin. Coꞌhuara yaniyátëraponhuëꞌ paquiitërinso pochachin niantarin.