Josué 3:8 - Chayahuita (Shahui)

⁸ Quëmariso nipirinhuëꞌ, corto huaꞌanoꞌsa camaiquëꞌ: ‘Siniororëꞌquënpoa anoyatërëhuaso caposonën, pitënama quëran Cortaniiquë canconpatamaꞌ, yonsansha huanicoꞌ,’ itëquëꞌ,” itërin.

Josué 3:8 ပူးပေါင်းရင်းမြစ်များ

2 Reyes 2:6

Ina piquëran Iniasëri Irisio itaantapon: —Sinioro Cortaniiꞌpaꞌ aꞌpaantarinco. Quëmasoꞌ isëranchin quëparitëquë topirahuëꞌ, itaantarin. —¡Yoscoarëꞌ co quëparitarahuëꞌ! itaantarin Irisiori. Napotohuachina, cato chachin inatohua paantapi.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.

Josué 3:3

Papona pochin israiroꞌsa iso pochin camaipi: “Nihui huënton corto huaꞌanoꞌsari, Yosërëꞌquënpoa anoyatërëhuaso caposonën quëparapi niꞌsaramaꞌ. Quëparahuachinaꞌ, canpitarinta imacoꞌ.

Josué 3:7

Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi.

Josué 3:9

Siniorori napotohuachina Cosoisoꞌ israiroꞌsa itapon: “Huëcoꞌ, Sinioro catahuainpoaso marëꞌ shaꞌhuirinsoꞌ natancoꞌ.

Josué 4:11

Naní quëran pëntonpachinara, corto huaꞌanoꞌsanta pëntonpi huachi. Siniororëꞌ anoyatopiso caposonën, pitënpi quëran pëntonpi. Nani pëntonahuatona naquëranchin quëchitaantapi.