Josué 3:3 - Chayahuita (Shahui)

³ Papona pochin israiroꞌsa iso pochin camaipi: “Nihui huënton corto huaꞌanoꞌsari, Yosërëꞌquënpoa anoyatërëhuaso caposonën quëparapi niꞌsaramaꞌ. Quëparahuachinaꞌ, canpitarinta imacoꞌ.

Josué 3:3 ပူးပေါင်းရင်းမြစ်များ

2 Samuel 6:13

Sinioro caposonën pitënpisopita paꞌsapi. Saota achiíchin paasoiꞌ, Tapiso aꞌnara toro Sinioro marëꞌ atëpatërin. Aꞌnara carnirontaꞌ, amoshin nininso ina marë chachin atëpatërin.

2 Samuel 6:3

Apinatapo itopisosoꞌ, motopiaꞌhua huiꞌnimotënꞌpaꞌ pëinën yaꞌhuëtërin. Inaquë canconahuatonaꞌ, aꞌnaquëni Siniororë anoyatopiso caposonën ocoiconpi. Ina quëran nasha toronan nininquë aꞌmitëpi. Cato torori ina toronansoꞌ ohuarararin. Apinatapo huiꞌninpitari ótëërapi. Inapitasoꞌ Aiyo, Osa, inapita. Aiyosoꞌ, quëchitërarin. Osasoꞌ, piquëran paꞌsarin.

1 Reyes 8:3

Yaꞌipi Israiro ansianoꞌsa canquihuachinara, corto huaꞌanoꞌsari Yosë caposonën quëpacaiso marëꞌ naranënpita patorotopisoꞌ mapi.

Números 10:33

Ina pochin Sinioro motopinën quëran, israiroꞌsa paantapi. Cara tahuëri iratopi. Siniororëꞌ anoyatopiso caposonën quëpanaꞌpiroꞌsa quëchitapi. Sinioro nohuanton chitoro chiniconpachina, inaquë chinotapi huachi.

Mateo 16:24

Ina quëran yaꞌipi caꞌtanoꞌsanënpita itërin: —Yaimapatamaco, canpitaora nohuantëramasoꞌ naniantatomaꞌ, Yosë nohuantërinsoráchin imacoꞌ. Corosëquë chiníquën parisitërëꞌ. Canpitantaꞌ parisitapomarahuëꞌ, imamiatoco.

Mateo 8:19

aꞌna cotio maistrori nontiirin. —Cantaꞌ Maistro imainquën. Insëquësona paꞌpatan, cantaꞌ paꞌi, topirahuëꞌ, itërin.

Deuteronomio 31:9

Yaꞌipi isopita pënëntërinsoꞌ, Moisësëri quiricaquë ninshitërin. Ninshitahuaton Nihui huënton corto huaꞌanoꞌsaꞌ, yaꞌipi Israiro ansianoꞌsaꞌ, inapitari tapacaiso marëꞌ quëtërin. Corto huaꞌanoꞌsasoꞌ, Yosërëꞌ anoyatopiso caposonën quëpanaꞌpiroꞌsaꞌ.

Josué 3:4

Ina imapatamaꞌ, insëchinsona pacamaso nitotaramaꞌ. Co inquëma tëranta iso ira paꞌtochinamahuëꞌ niꞌton, ina imacamaso yaꞌhuërin. Ama napoaponahuëꞌ, Yosë caposonën coꞌchachin yaꞌcaricosohuëꞌ. Aꞌna quiromitro pochin aquërinso piquëran imacoꞌ,” itopi.

Josué 3:6

Tahuëririnquë corto huaꞌanoꞌsantaꞌ, itapon: “Yosërëꞌquënpoa anoyatërëhuaso caposonën pitënama quëran quëpacoꞌ. Quëchitahuatoma ina pitënama quëran Cortaniiꞌ pëntontocoꞌ,” itërin. Napotohuachina corto huaꞌanoꞌsasoꞌ, Cosoi camaitërinso chachin nipi.

Josué 3:8

Quëmariso nipirinhuëꞌ, corto huaꞌanoꞌsa camaiquëꞌ: ‘Siniororëꞌquënpoa anoyatërëhuaso caposonën, pitënama quëran Cortaniiquë canconpatamaꞌ, yonsansha huanicoꞌ,’ itëquëꞌ,” itërin.

Josué 4:10

Siniorori Cosoi quëran israiroꞌsa camairin. Yaꞌipi camaitërinso nicasoi corto huaꞌanoꞌsasoꞌ, Cortaniiꞌ yanirinso huáncana huanirápi. Siniororëꞌ anoyatopiso caposonën, pitënpi quëran huanirápi. Moisësënta ina pochin Cosoi camairin niꞌton, inapochin nipi. Manorahuatonaꞌ, Cortaniiꞌ yanirinso pëntontopi.

Josué 6:6

Napotohuachina Cosoisoꞌ corto huaꞌanoꞌsa përarin. Huëꞌpachinara itapon: “Canchisë yaꞌpima carniro pomon sëꞌquëramaquëran quëchitocoꞌ. Ina piquëran aꞌnapitanquëmantaꞌ, Siniororëꞌquënpoa anoyatërëhuaso caposonën quëpacoꞌ,” itërin.

Apocalipsis 14:4

Noyápiachin cancantapi. Co piꞌpisha tërantaꞌ monshihuanaꞌpi pochin cancantopihuëꞌ. Yosëíchin yonquiapi. Insëquësona Carniroaꞌhua paꞌpachin, imasapi. Isoroꞌpaquë yaꞌhuëpirinahuëꞌ, nani Yosëri nichaꞌërin. Yaꞌnan cayarinso macatëꞌ Yosë quëtërëso pochin nicatonaꞌ, inasáchin chinotapi. Nani tahuëri Carniroaꞌhuantaꞌ chinotapi.

1 Samuel 6:15

Coꞌhuara inapochátëraponahuëꞌ, Nihui huënton israiroꞌsari Yosë caposonën anohuarapi. Aꞌna cacontaꞌ, anohuarapi. Inaquësoꞌ, oro quëran nonanpisopita acopi. Inapita anohuararahuatonaꞌ, panca naꞌpi aipi acopi. Inapoatona yaꞌhuëhuanoꞌsasoꞌ, Sinioro chinotacaiso marëꞌ maꞌsharoꞌsa tëparahuatona aꞌnaquën yaꞌipi ahuiquitopi. Aꞌnaquëontaꞌ, piꞌpian ahuiquitopi.