Josué 24:6 - Chayahuita (Shahui)

⁶ Iquipito quëran pipihuachinara, ina copirnosoꞌ, sontaronënpitarë chachin imaquirin. Quëhuaiꞌ marëquë huarëꞌ imaquirin. Quira toronaroꞌsaquë, cahuarioroꞌsaquë, inaquëpita imaquipi.

Josué 24:6 ပူးပေါင်းရင်းမြစ်များ

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Éxodo 12:37

Israiroꞌsasoꞌ, Namisisi ninano quëran pipirahuatonaꞌ, Socoto parti canconpi. Saota pasa huaranca quëmapiꞌsa chiníquënoꞌsa nipisoꞌ, paꞌsapi. Sanapiꞌsaꞌ, huaꞌhuaroꞌsaꞌ, mashoyaroꞌsaꞌ, inapitaso co pichipihuëꞌ.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Hebreos 11:29

Ina quëran yaꞌipi israiroꞌsaꞌ Yosë natëtonaꞌ, noya pipipi. “Yosë catahuarinpoaꞌ,” taꞌtonaꞌ, Quëhuai marë aquëtëran paꞌpi. Pancaiꞌ niponahuëꞌ, Yosë nohuanton, aꞌnaroáchin nipatomairin niꞌton, panca ira pochin yaniro yaꞌnorin. Ina paꞌtatona pëntonpi. Iquipito sontaroꞌsaso nipirinhuëꞌ co nanitopihuëꞌ pëntonacaisoꞌ. Imatapirinahuëꞌ, iiri imotërin niꞌton, chimiitopi.