Josué 24:33 - Chayahuita (Shahui)

³³ Ina piquëran Aaron huiꞌnin Iriasarontaꞌ, chiminin. Chiminpachina, quëmopinënpitari huiꞌnin Huinisë itopisoꞌ noꞌpanënquë paꞌpitopi. Inaquë aꞌnara motopiaꞌhuayaquë paꞌpitopi. Inasoꞌ noꞌpaꞌ Iprain huënton israiroꞌsa noꞌpaꞌ mapiquë yaꞌhuërin. Inaquë Cosoiri noꞌpaꞌ quëtërin niꞌton, inaquë paꞌpitopi.

Josué 24:33 ပူးပေါင်းရင်းမြစ်များ

2 Reyes 5:22

—Co manta onpopiraihuëꞌ, huaꞌanëhuë aꞌparinco nontaꞌhuanquënso marëꞌ. Naporin: “Cato pënëntonaꞌpi huiꞌnapiꞌsaꞌ, Iprain huënton motopiroꞌsa quëran nicaponaco canquipi. Napoaton inapita quëtaꞌhuaso marëꞌ cara huaranca coriqui prata quëran nininsoꞌ, nohuantaparanquën. Ina nisahuaton cato aꞌmocasontaꞌ, nohuantërahuë,” tënin, itërin.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hebreos 7:24

Quisocristoso nipirinhuëꞌ nanpiantarahuaton, yaꞌhuëmiatërin niꞌton, canpoa marëꞌ Yosë nontárin. Co incari tërantaꞌ yaꞌhuërëtërinhuëꞌ.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 9:4

Napotohuachina, inapita yonípona paꞌpi. Paꞌsápatonaꞌ, Iprain huënton noꞌpanëna motopitontarinsopita pëntontopi. Sarisa parti itopisonta pëntontopi. Napoaponahuëꞌ, co quënanpihuëꞌ. Paantarahuatonaꞌ, Saarin itopiso partinta pëntoantapi. Mincamin huënton noꞌpanënantaꞌ, pëntontaantapi. Napoaponaraihuëꞌ, co quënanpihuëꞌ.