Josué 24:32 - Chayahuita (Shahui)

³² Cosi nansëquën Iquipito quëran quëpisontaꞌ, Siquimo ninanoquë paꞌpitopi. Ina noꞌpasoꞌ, Cacopori iráca Siquimo paꞌpin Amoro itopisoꞌ huiꞌninpita paꞌantërin. Pasa coriqui marëꞌ paꞌantërin. Ina noꞌpasoꞌ Cosi shinpitanquën quëparitërin.

Josué 24:32 ပူးပေါင်းရင်းမြစ်များ

Génesis 33:19

Nëꞌmëtë pëiroꞌsa ótënpisoꞌ noꞌpaꞌ, Cacoposoꞌ pasa coriqui marëꞌ paꞌanin. Ina noꞌpasoꞌ, aꞌna quëmapi Amoro itopisoꞌ huiꞌninpitari huaꞌanëntopirinhuëꞌ, paꞌantërin. Inasoꞌ, aꞌnara huiꞌnin yaꞌhuëtërin, Siquimo itopi.

Génesis 48:22

Quëmasoꞌ yaꞌipi iyaparinpita quëran, panca pancana noꞌpaꞌ quëtëranquën. Siquimo motopi quëtëranquën. Inasoꞌ noꞌpaꞌ, amororoꞌsa ahuëato osërëtërahuësoꞌ, itërin.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.

Génesis 50:25

Ina quëran iinpita camairin: “Yoscoarëꞌ taꞌtomaꞌ, nohuantërahuëso nitoco,” itërin. Napotohuachina: “Yoscoarëꞌ nohuantëransoꞌ, nisarai,” itopi. Naporoꞌ Cosiri itapon: “Tëhuënchachin Yosë oꞌmararin catahuainquëmaso marëꞌ. Ina tahuëri nanihuachin, nansënëhuë isëquëran quëpanantamaso yaꞌhuërin,” itërin.

Éxodo 13:19

Yapipipona pochin, Moisësëri aꞌnara camairin Cosi nansëquën quëpacaso marëꞌ. Inaso iráca coꞌhuara chimiyantëraponhuëꞌ, iinpita shaꞌhuitërin: “Tëhuënchachin aꞌna tahuëri catahuainpoaso marëꞌ Yosë oꞌmararin. Ina nanihuachin, nansënëhuëpita Canan parti quëpamaso yaꞌhuërin,” itërin. Iinpitari naporo aꞌpanipi niꞌton, shinpitari quëparapi huachi.

Juan 4:5

Inatohuaꞌ aꞌna ninanoꞌ yaꞌhuërin, Sicarë itopisoꞌ. Ina yaꞌcariya Cosi noꞌpanën yaꞌhuërin. Iráca paꞌpin Cacopo itopisori quëtërinsoꞌ.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

Hechos 7:16

Cacopo chiminpachina, nonën isëquë chachin quënantapi paꞌpitacaiso marëꞌ. Siquimoquë paꞌpitopi. Ina noꞌpa chachin iráca Apraani, amororoꞌsaꞌ paꞌantërin.

Hebreos 11:22

Cosintaꞌ chiminaquë huarëꞌ Yosë natërin. Yachiminpachina, quëmopinënpita shaꞌhuitërin: “Iquipito parti ipora yaꞌhuërëhuaꞌ. Aꞌna tahuëriso nipirinhuëꞌ Yosë nohuanton, yaꞌipi israiroꞌsaꞌ isëquëran pipiapi. Noꞌpaꞌ Yosë quëtërinpoaquë chachin quëpantarin yaꞌhuëcaiso marëꞌ. Naporoꞌ nansëhuëpita quëpaꞌinaꞌ paꞌpitinacoso marëꞌ,” itërin. “Yosë co nonpintarinpoahuëꞌ,” taꞌton, naporin.