Josué 24:25 - Chayahuita (Shahui)

^25-26 Naporo tahuëri chachin Cosoisoꞌ, iráca Yosërëꞌ anoyatopisoꞌ, israiroꞌsa shaꞌhuitaantarin. Siquimo ninanoquë naporin. Sinai motopiquë shaꞌhuitaton, pënëntërinsoꞌ, camaitërinsoꞌ, inapita shaꞌhuitërin. Ina quëran yaꞌipi inapita Yosë pënëntërinsoꞌ quiricaquë ninshitopisonta shaꞌhuitërin. Nani yaꞌipi inapita shaꞌhuitohuachina, insina narasoquë panca naꞌpi acocaiso camaitërin. Camaitohuachina, Yosë chinotacaso marëꞌ nëꞌmëtë pëi ótënpiso pirayan acopi.

Josué 24:25 ပူးပေါင်းရင်းမြစ်များ

Génesis 35:4

Napotohuachina, nisha nisha mamanshinëna moshapiso quëshipi. Pëꞌtëhuëratëroꞌsanta moshapiso quëshipi. Yaꞌipi inapita Cacopori Siquimo ninano yaꞌcariꞌ, paꞌpitërin. Aꞌnara insina nara pirayan, paꞌpitërin.

Nehemías 9:38

Ina yonquiatoi: “Ipora quëran huarëꞌ Yosëíchin natëarai huachi,” taꞌtoi, quiricaquë ina pochin ninshitërai. Inapotohuatoira, huaꞌanoꞌsaꞌ, corto huaꞌanoꞌsaꞌ, nihuiroꞌsaꞌ, inapitari huiꞌshapi. Inapotahuatona sichotopi huachi.

Éxodo 15:25

Moisësëso nipirinhuëꞌ, Yosë nontërin. Inari catahuacaso marëꞌ nontohuachina, aꞌnara naraꞌhuaya aꞌnotërin. Ina masahuaton iꞌshaquë tëꞌyaitohuachina noyaitërin huachi. Inaquë Yosëri israiroꞌsa natëtonoꞌsa nicacaiso marëꞌ tënirin. Naporahuaton onpopinsona nicacaisoꞌ Yosëri pënënin:

Éxodo 24:3

Napotohuachina Moisësësoꞌ, paꞌsahuaton yaꞌipi Yosë camaitërinsoꞌ, israiroꞌsa shaꞌhuitoonin. Ina natanahuatonaꞌ: —Noyapaꞌ. Yaꞌipi Yosë camaitërinso nisarai, itopi.

Josué 24:1

Siquimo ninanoquë Cosoi yaꞌipi Israiro huëntonoꞌsa ayontonin. Ansianoroꞌsaꞌ, huaꞌanoꞌsaꞌ, coisëroꞌsaꞌ, sontaro huaꞌanoꞌsaꞌ, inapita ayontonin. Sinioro chinotacaso marëꞌ nëꞌmëtë pëi ótënpisoꞌ notënanquë ayontonaton itapon: —Sinioro israiroꞌsanpoa chinotërëhuaso naporin: “Iráca shimashonëma Tari itopisoꞌ Iopiratisiiꞌ yonsanquë yaꞌhuërin. Huiꞌninpitasoꞌ: Apraan, Nacoro, inapita. Inaquë yaꞌhuëapona pochin inapitasoꞌ, nisha nisha mamanshiroꞌsa moshapi.