Josué 24:17 - Chayahuita (Shahui)

¹⁷ Quiyasoꞌ, iquipitoroꞌsa chiníquën asacatatonacoi aparisitápirinacoihuëꞌ, ina quëran ocoirincoi. Shimashonëhuëipitanta ocoirin. Aꞌnaquëncoisoꞌ, niꞌtonëhuëiquë chachin paꞌpi huëhuëpiro nininsopita naꞌaro ninin. Huëcasocointaꞌ, nisha nisha piyapi nipisopita yaꞌhuëpiquë naꞌhuëtiirai. Tahuëri tashirë chachin aꞌpairincoi.

Josué 24:17 ပူးပေါင်းရင်းမြစ်များ

Éxodo 19:4

Nani niꞌnama iquipitoroꞌsa anaꞌintërahuësoꞌ. Canpitaso noya aꞌpaiatënquëma yaꞌhuërahuëquë huarëꞌ quënanquëmaꞌ. Panca onian anpiantënquë huaꞌhuin aꞌmitahuaton quëparin. Inapochachin carimantaꞌ, noya quënanquëmaꞌ.

Isaías 46:4

Mashotohuatamantaꞌ, inachachin nitáponquëmaꞌ. Acasáchin nipomarahuëntaꞌ, inachachin nitáponquëmaꞌ. Carima ninanquëmaꞌ. Carima chachin pëꞌpëatë pochin quëparáponquëmaꞌ. Carima achiniaranquëmaꞌ. Carima chachin nichaꞌësaranquëmaꞌ.

Deuteronomio 7:19

Sinioro chiníquën nanantaton Iquipito quëran nichaꞌërinquëmasoꞌ, yonquicoꞌ. Nani ina anitotërinpoa nisha nisha maꞌsha ninin quëran, chini chiníquën nanantërinsoꞌ. Iquipitoroꞌsa napotërinso chachin, tëꞌhuatëramasopita nacionoꞌsanta minsëapon.

Josué 24:16

Napotohuachina israiroꞌsari itaponaꞌ: —¡Co nohuantëraihuëꞌ nisha nisha mamanshi moshacaꞌhuaisoꞌ! Sinioro catahuaincoi ama ina pochin nicacaꞌhuaiso marëhuëꞌ.

Josué 24:18

Huëꞌnaitaquëchin nisha nisha piyapiroꞌsa yaꞌhuëpirinahuëꞌ, inari chachin inapita aꞌparin. Amororoꞌsaꞌton isëquë yaꞌhuëpirinahuëꞌ, aꞌparin. Napoaton quiyanta Sinioroíchin chinotarai. Inaíchin Yosënëhuëi niꞌton, chinotarai, itopi.