Josué 24:11 - Chayahuita (Shahui)

¹¹ Ina quëran canpitasoꞌ, Cortaniiꞌ pëntontëramaꞌ. Pëntontatoma Quirico ninanoquë canconamaꞌ. Ina ninanoquësoꞌ, nisha nisha piyapiꞌsa yaꞌhuëpi: Amororoꞌsaꞌ, huirisëroꞌsaꞌ, cananoꞌsaꞌ, itiroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita yaꞌhuëpi. Inapitaso chinitopirinënquëmahuëꞌ, carima catahuaranquëma niꞌton, inapita minsëramaꞌ.

Josué 24:11 ပူးပေါင်းရင်းမြစ်များ

Génesis 15:19

Iporasoꞌ: Quiniroꞌsaꞌ, sinisëroꞌsaꞌ, catomonoꞌsaꞌ, itiroꞌsaꞌ, huirisëroꞌsaꞌ, nihuaimoroꞌsaꞌ, amororoꞌsaꞌ, cananoꞌsaꞌ, quiriquiroꞌsaꞌ, quiposoroꞌsaꞌ, inapitari iso noꞌpaꞌ huaꞌanëntapi. Huaꞌanëntapirinahuëꞌ, quëma shiparinpita quëtarahuë, itërin.

Salmos 105:44

Nisha nisha nacionoꞌsari noꞌpaꞌ huaꞌanëntopiso osërëtahuaton, inapita quëtërin. Sacatatona acopisopitantaꞌ, inapotërin.

Hechos 13:19

Ina nohuanton, Canaan parti paꞌpi. Inatohuaꞌ nisha nisha piyapiroꞌsaꞌ yaꞌhuëpi, nisha nisha nananquë nonpisopita. Canchisë huënton yaꞌhuëpirinahuëꞌ, co Yosë natëpihuëꞌ niꞌton, ina nohuanton minsëpi. Inaquë chachin shimashonënpoapita yaꞌhuëpi. Yosëri catahuarin niꞌton, ina noꞌpaꞌ huaꞌanëntopi.

Hechos 7:45

Ina quëran huiꞌninpitantaꞌ inachachin pëiꞌ yaꞌhuëtopi. Nisha piyapiꞌsaꞌ isëquë yaꞌhuëpirinahuëꞌ, Yosë nohuanton, aꞌpapi. Cosoiri minsëhuachina, aꞌpapi isëquë yaꞌhuëcaiso marëꞌ. Ina pëi chachin isëquë quëpi Yosë chinotacaiso marëꞌ. Tapi huaꞌan yaꞌconaquë huarëꞌ ina pëiquë Yosë chinotopi.

Deuteronomio 7:1

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, catahuarinquëma noꞌpaꞌ quëtarinquëmaquë yaꞌconacamasoꞌ. Ina marëꞌ canchisë nacionoꞌsa aꞌpararin. Canpita quëran naꞌcon naꞌcon niꞌtona chini chiníquën nanantopirinahuëꞌ, aꞌpararin. Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita itopisoꞌ aꞌpararin.

Josué 3:10

Yosëso nanpiárin. Ipora napoarin quëran catahuarinpoaso anitotarinpoaꞌ. Canpitaso ahuëta marëꞌ paꞌnamaquë, inimicoroꞌsa minsëraꞌpiapomaꞌ. Yosë catahuarinquëma niꞌton, napotaramaꞌ. Cananoꞌsaꞌ ataꞌhuantaramaꞌ. Itiroꞌsaꞌ, iporoꞌsaꞌ, huirisëroꞌsaꞌ, quiriquiroꞌsaꞌ, amororoꞌsaꞌ, quiposoroꞌsaꞌ, inapitanta napotaramaꞌ.

Josué 4:1

Yaꞌipi israiroꞌsa pëntonpachinara, Siniorori Cosoi itapon: “Shonca cato Israiro quëmapiꞌsa huayonquëꞌ. Nani huënton quëran aꞌnaya aꞌnaya huayonquëꞌ.

Josué 4:19

Pascoa yoquiquë shonca tahuëritapasoꞌ, israiroꞌsa Cortaniiꞌ yanirin quëran pëntonpi. Pëntonahuatona Quiricaro itopiquë chinotai marëꞌ nëꞌmëtë pëinëna ótëantapi. Quiricarosoꞌ Quirico quëran, piꞌi pipirinso parti quëparitërin.