Josué 24:10 - Chayahuita (Shahui)

¹⁰ Inaso nipirinhuëꞌ, co caso nohuantërahuëꞌ inapotinëmasoꞌ. Co inapotatënquëmarahuëꞌ ca nohuanto noya yaꞌhuëcamaso marëꞌ shaꞌhuitërinquëmaꞌ. Inapotatënquëma nichaꞌëranquëmaꞌ.

Josué 24:10 ပူးပေါင်းရင်းမြစ်များ

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Miqueas 6:5

Canpitaso piyapinëhuëpitanquëmaꞌ. Moapo copirno Paraco itopisoꞌ naporinso yonquicoꞌ. Paramo ama huachi noya yaꞌhuëcamaso marëhuëꞌ, shaꞌhuitiinquëmaso marëꞌ yapahuërërinsoꞌ, yonquicoꞌ. Inapotopirinhuëꞌ, ca nohuanton Paramori shaꞌhuitërinsontaꞌ, yonquicoꞌ. Shimashonëmapita Sitin quëran pipirahuatonaꞌ, Quiricaroquë canconacaiso marëꞌ napopisontaꞌ, yonquiricoꞌ. Cortaniiꞌ ayanirahuëtaquëchin pëntonatonaꞌ, paꞌpi canatopisopita pochin nipisoꞌ yonquicoꞌ,” itërinpoaꞌ.

Números 22:35

—Paquë imatëquëꞌ. Napoaponahuëꞌ, maꞌsona shaꞌhuitëranquënsoráchin nonsaran, itërin. Napotohuachina Paramosoꞌ, Paracori huaꞌanoꞌsa aꞌparinso imaquirin.

Josué 24:11

Ina quëran canpitasoꞌ, Cortaniiꞌ pëntontëramaꞌ. Pëntontatoma Quirico ninanoquë canconamaꞌ. Ina ninanoquësoꞌ, nisha nisha piyapiꞌsa yaꞌhuëpi: Amororoꞌsaꞌ, huirisëroꞌsaꞌ, cananoꞌsaꞌ, itiroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita yaꞌhuëpi. Inapitaso chinitopirinënquëmahuëꞌ, carima catahuaranquëma niꞌton, inapita minsëramaꞌ.