Josué 2:3 - Chayahuita (Shahui)

³ Napotohuachina, Nacapa natanacaiso marëꞌ sontaroꞌsa aꞌparin. Inapitasoꞌ cantonahuatona natanpi: —Cato quëmapiꞌsa huëꞌëpaiarinën, topi natantërai. Inahuaso nëhuëtonaꞌpiroꞌsa niꞌton, ocoiquë quëpaꞌi, itopi.

Josué 2:3 ပူးပေါင်းရင်းမြစ်များ

Génesis 38:24

Cara yoqui quëran pochin, Cota shaꞌhuitapona huëcapaipi: —Shiparin Tamara itërëhuasoꞌ, monshihuanin. Napoaton iporasoꞌ cayorin huachi, itopi. Natanahuaton Cotasoꞌ, noꞌhuitaton yai tënin: —¡Ocoirahuatomaꞌ, aꞌpëco chimiin! tënin.

Génesis 42:31

Napotopirincoihuëꞌ: “Co quiyasoꞌ inacoihuëꞌ. Co onporonta nëhuëtochinaihuëꞌ. Ina tataquëranchin shonca catocoi ninai. Huaꞌhua nininsoꞌ, Canaan parti tatarëꞌ quëparitërin. Aꞌnaso nipirinhuëꞌ, ayarin,” itërai.

2 Samuel 17:20

Apësaron sontaronënpita canquirahuatonaꞌ, sanapi natanpi: —Aimasë, Conatan, inapita yonisarai. ¿Co quëmari niꞌnanhuëꞌ? itopi. —Isëchin mini naꞌhuëpi. Iꞌ parti paꞌmapi pora, itërin sanapiri. Napotohuachina, yonípona paꞌpi. Yonisápirinahuëꞌ, co quënanpachinaraihuëꞌ Quirosarinquë paantapi.

Juan 19:4

Ina quëran Pirato pipiantarahuaton, piyapiꞌsaꞌ nontantarin. —Iso quëmapi aꞌnotantaranquëmaꞌ, niꞌcoꞌ. Co mantaꞌ onporinhuëꞌ, tënahuë, itërin.

Hechos 12:4

Mapachinara, tashinan pëiquë apoꞌmotërin. Shonca saota sontaroꞌsaꞌ acorin aꞌpaicaiso marëꞌ. Catapini, catapini yaꞌpiri niꞌsapi. Niyaꞌhuërëtatonaꞌ, tashirë chachin aꞌpairapi. “Pascoa naꞌhuëhuachin, piyapiꞌsaꞌ niꞌtërantapaiquë Pitro anaꞌintarahuë,” tënin huaꞌan yonquiaton.

Hechos 12:6

Tashiraya pochin huaꞌani anaꞌintacasoꞌ nisahuasoꞌ, Pitro huëꞌësárin. Catoꞌ sontaroꞌsari ahuancoanapipi. Catoꞌ catinaquë tonpopi. Ahuënan quëran aꞌna sontarori nitonpotanpatërin. Inchinan quëran aꞌnarintaꞌ nitonpotanpatërin. Inapotahuatonaꞌ, yaꞌipi huëꞌësapi. Yaꞌcoanaquë catoꞌ sontaroꞌsa chachin tashinan pëiꞌ aꞌpairápirinahuëꞌ.

Josué 2:2

Napoaponahuëꞌ, aꞌna yaꞌhuëhuani quënanahuaton, Quirico copirno shaꞌhuitoonin: —Cato Israiro quëmapiꞌsa yaꞌhuërëhuasoꞌ, nëhuëcaiso marëꞌ huëꞌpi, itërin.

Josué 2:4

Napotopirinahuëꞌ, inariso coꞌhuara sontaroꞌsa huëꞌshátërasoihuëꞌ nani poꞌorin. Napoaton itapon: —Tëhuënchachin mini cato yaꞌpi niꞌquirinaco. Napoaponahuëꞌ, intohuaranso huëꞌpiso co nitotërahuëꞌ.

Jueces 4:20

Naporoꞌ Sisarari itapon: —Nëꞌmëtë pëinën yaꞌcoanaquë huanitaquëꞌ. Inso tëranta huëcaton: “¿Insha tëranta isëquë yaꞌhuërin? topachina: ‘Capa co yaꞌhuërinhuëꞌ,’ itëquëꞌ,” itërin.