Josué 2:12 - Chayahuita (Shahui)

¹² Napoaton Yoscoarëꞌ taꞌtomaꞌ, quëmopinëhuëpitaroꞌco chachin nichaꞌëco. Carinquëma nosororanquëmaso pochachin canpitanta nosoroco. Naporahuaton noꞌtëquën nontëramacosoꞌ nitotaꞌhuaso marëꞌ maꞌsha tëranta quëtoco.

Josué 2:12 ပူးပေါင်းရင်းမြစ်များ

Génesis 21:23

Napoaton isëquë chachin Yoscoarëꞌ taꞌton shaꞌhuitoco: Ama huiꞌnahuëpita, shihuëpita, ama ca tërantaꞌ, maꞌsha onpotancoso marëhuëꞌ, shaꞌhuitoco. Carinquënso nosoroatënquën co maꞌsha onpotëranquënhuëꞌ. Inapochachin quëmanta noya niꞌcoi. Aꞌnapita yaꞌhuëhuanoꞌsantaꞌ, noya niꞌcamaso marëꞌ Yoscoarëꞌ taꞌton shaꞌhuitoco, itërin.

Génesis 24:9

Napotohuachina, piyapinëni Apraan tonaroananën sëꞌhuatërin. Sëꞌhuatahuaton: “Yoscoarëꞌ, shaꞌhuitërancoso chachin, nisarahuë,” itërin.

Génesis 40:14

Inapotohuachinquën, canta nosoroatonco yonquico. Ocoincoso marëꞌ huaraon shaꞌhuitëquëꞌ. Iprioroꞌsa yaꞌhuëpiquë caso yaꞌhuëpirahuëꞌ, topinan quëran noꞌhuitonaco paꞌaninaco. Co manta onporahuë niꞌton, co tashinan pëiquë yaꞌhuápaꞌhuaso yaꞌhuërinhuëꞌ. Napoaton nosoroco cantaꞌ, itërin.

Éxodo 12:13

Canpitaso nipirinhuëꞌ, co tëꞌhuatamaso yaꞌhuërinhuëꞌ. Yaꞌcoana chinpirinso nararoꞌsa huënaiquë pashitëramasoꞌ quënanpato, paninantëramasoꞌ co maꞌsha onpotarahuëꞌ. Topinan naꞌhuëtaranquëmaꞌ.

Marcos 14:44

Coꞌhuara canshátërasoihuëꞌ, Cotasëri nani shaꞌhuitërin Quisoso nohuitacaiso marëꞌ. “Apinorahuë quëran Quisoso nohuitatomaꞌ, macoꞌ. Noyá tonporahuatomaꞌ quëpacoꞌ, taꞌahuachin,” itërin.

Romanos 1:31

Co huachi noya yonquipihuëꞌ. Nonpinápi. Co quëmopinënpita tërantaꞌ nosoropihuëꞌ. Noꞌhuitochinachin cancantopi.

1 Timoteo 5:8

Quëmopinënaꞌ tëhuënchachin nosorocasoꞌ yaꞌhuërin. Pahuantohuachinaꞌ, catahuainaꞌ. Aꞌshinaꞌ, paꞌpinaꞌ, huiꞌninpita, inapita naꞌcon naꞌcon nosorocasoꞌ yaꞌhuërin. Catahuainaꞌ, nocomaꞌinaꞌ. Insoarisona co nocomahuachinahuëꞌ, co huachi Yosë natëapihuëꞌ. Co quëmopinënaꞌ nosorohuachinarahuëꞌ, naꞌcon naꞌcon oshahuanapi.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Josué 2:13

Ama tatahuë, mamahuë, inapita tëpatocosohuëꞌ. Yoꞌyohuëpita, caihuëpita, inapitanta nosorocoꞌ. Yaꞌipi maꞌshanënanta ama ataꞌhuantocosohuëꞌ, itërin.

Josué 2:18

Napoaponahuëꞌ, quëmanta iso huintanaquë quëhuan nonin aꞌsonamaso yaꞌhuërin. Iso noꞌpaꞌ macaꞌhuaiso marëꞌ yaꞌipicoi huëntahuatoi, nonin aꞌsonan quëran pëinën nohuitapi. Nani canquihuatoi isëquësáchin niyontoncoꞌ. Tataparin, mamaparin, yoꞌyoparinpita, caiparinpita, inapita isëquësáchin ninachinaꞌ. Yaꞌipi inahua quëmopinënpitanta niyontoinaꞌ.

Josué 2:19

Insosona aipiran paꞌsápachin tëpaarai. Inaora tëhuënënquë chiminapon. Co quiya tëhuëaraihuëꞌ. Napoaponahuëꞌ, insoari tëranta iso pëianaquë yaꞌhuëarinso maꞌsha onpotohuachin, naꞌintarincoi. Quiya catocoi naꞌintarincoi.

Josué 6:22

Cato nëhuëtonaꞌpiroꞌsa iꞌhua aꞌparinsopita, Cosoiri itantapon: “Monshihuantë sanapi pëinënquë paꞌsahuatomaꞌ, ocoicontacoꞌ. Yaꞌipi quëmopinënpitarë chachin ocoicoꞌ. Yoscoarëꞌ taꞌtoma shaꞌhuitëramaso chachin nitoncoꞌ,” itërin.