Josué 2:10 - Chayahuita (Shahui)

¹⁰ Canpita Iquipito quëran pipihuatamara, Yosëri Quëhuai marë ayanirin. Pëntonamaso marëꞌ napotërin. Naporahuaton cato amoro copirnoroꞌsa ataꞌhuantëramaꞌ. Piyapinënapitarë chachin napotëramaꞌ. Inapitasoꞌ Cortaniiꞌ aquëtëran yaꞌhuëpirinahuëꞌ, napotëramaꞌ.

Josué 2:10 ပူးပေါင်းရင်းမြစ်များ

Números 20:14

Catisë quëran caraya quëmapiꞌsaꞌ, Moisësëri aꞌparin Itomo copirno nontacaiso marëꞌ. Cantonahuatona itaponaꞌ: “Quiyasoꞌ israiroꞌsacoi, canpita quëmopinëma ninai. Nani nitotëran Iquipitoquë yacapatatoi, parisitëraisoꞌ. Isëquë huarëꞌ canquiaꞌhuaiso marëntaꞌ, naꞌcon parisitërai.

Números 23:22

Tanan ohuacasoꞌ noꞌhuitohuachina, pomonën quihuirin. Inapochachin israiroꞌsantaꞌ, Yosëri chiníquën nanantaton Iquipito quëran ocoirin niꞌton, inasáchin quihuípi.

Números 24:8

Tanan ohuacasoꞌ noꞌhuitohuachina, pomonën quihuirin. Inapochachin israiroꞌsantaꞌ, Yosëri chiníquën nanantaton Iquipito quëran ocoirin niꞌton, inasáchin quihuípi. Israiroꞌsasoꞌ, nisha nisha nacionoꞌsa canaponaꞌ. Maꞌsha capatë pëꞌyarëso pochin inimicoroꞌsa nitaponaꞌ. Nansëna paꞌqui paꞌquitatonaꞌ, pëꞌchinan shinërënëna quëran papito papitotaponaꞌ. Ina pochin inimicoroꞌsa nitaponaꞌ.

Josué 24:12

Cato amoro copirnoroꞌsa aquëtëran yaꞌhuëpisontaꞌ, co canpitari minsëramahuëꞌ. Co sahuëninëmaquë minsëramahuëꞌ. Co pëꞌchinanëmaquë minsëramahuëꞌ. Cari paꞌpi aꞌpayanahuë niꞌton, taꞌananpirinquëmaꞌ. Coꞌhuara canchátërasënquëmahuëꞌ, taꞌananpirinquëmaꞌ.

Josué 4:24

Ina pochin shaꞌhuihuatamaꞌ, yaꞌipi isoroꞌpaquë nisha nisha piyapi nipisopita Sinioro chini chiníquën nanantërinso nitotaponaꞌ. Naporahuaton canpitantaꞌ, ‘Sinioroso Yosënënpoa niꞌton, noya nicatëhua natërápaso yaꞌhuëchinpoaꞌ,’ tosaramaꞌ,” itërin Cosoiri.

Josué 5:1

Cortaniiꞌ quëran piꞌi yaꞌconinso parti noꞌpaquë, nisha nisha copirnoroꞌsa yaꞌhuëpi. Amoro copirnoroꞌsaꞌ, Canaan copirnoroꞌsaꞌ, inapita yaꞌhuëpi. Amororoꞌsasoꞌ, Cortaniiꞌ yonsan parti yaꞌhuëpi. Cananoꞌsantaꞌ, marë Pancaiꞌ parti yaꞌhuëpi. Yaꞌipi inapita natantopi: “Siniorori Cortaniiꞌ ayanirin. Inapotasoꞌ, israiroꞌsanta pëntontopi,” topi. Ina natantatonaꞌ, naꞌcon naꞌcon paꞌyanpi. Napoaton co nanitopihuëꞌ israiroꞌsa chinitacaisoꞌ.