Josué 10:13 - Chayahuita (Shahui)

¹³ Napotohuachina: Piꞌi, yoqui, inapitanta tachitopi. Israiroꞌsari inimiconënpita minsëai huarëꞌ tachitopi. Ina chachin noya ninaꞌpi itopisonta quiricaquë ninshitërinso naporin. Naporo piꞌi, camotëchin nisarin. Nisaponahuëꞌ, aꞌna tahuërira pochin tachitaton, co huachi manorinhuëꞌ yaꞌconacasoꞌ.

Josué 10:13 ပူးပေါင်းရင်းမြစ်များ

Salmos 148:3

Piꞌi, yoqui, inapitanta ina chinochinaꞌ. Tayoraroꞌsa huënaráchin nipisopitantaꞌ, ina paꞌyachinaꞌ.

Salmos 19:4

Napoaponahuëꞌ, nisha nisha parti, inachachin anitotarin. Yaꞌipi isoroꞌpaquë nahuinin. Piꞌinta yaꞌhuëcaso marëꞌ inápaquë pëi pochin acotërin.

Joel 2:10

Yaꞌipi isoroꞌpaquë yaꞌhuëpisopita paꞌyanatonaꞌ, Sinioro notënanquë ropataponaꞌ. Piꞌiroꞌtënta nacon nacontapon. Piꞌi, yoqui, inapitanta tacopiapon. Tayoraroꞌsanta co huachi aꞌpinaponhuëꞌ.

Joel 2:31

Piꞌintaꞌ tashiarin. Yoquintaꞌ, huënai pochin nisarin. Coꞌhuara anaꞌintaꞌhuaso tahuëri naniyátërasohuëꞌ, napoarin. Ina tahuëri nanihuachin, paꞌpi huëhuëpiro nisarin,” tënin.

Joel 3:15

Ina tahuëri nanihuachin, piꞌi tashiapon. Yoqui, tayoraroꞌsa, inapitantaꞌ, co huachi aꞌpinaponahuëꞌ.

Habacuc 3:11

Piꞌi, yoqui, inapitanta co huachi pipiapihuëꞌ. Shinërënënpita, nansanën, inapita huënaratapi niꞌton, napoaponaꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Lucas 18:7

¡Yosëso nipirinhuëꞌ nóya niꞌton, huayoninsopita naꞌcon catahuarin! Aꞌnapitari aparisitohuachinaꞌ, Yosëri noꞌtëquën anaꞌintarin. Tahuërirë chachin, tashirë chachin ina nontopi niꞌton, catahuaarin. Co naniantarinhuëꞌ.

Hechos 2:20

Sinioro oꞌmacasoꞌ tahuëri naꞌcon yonquicasoꞌ yaꞌhuërin. Coꞌhuara naniyatërasohuëꞌ, nani maꞌsha onporapi. Piꞌi tashiarin. Yoqui quëhuashin huënai pochin nisarin. Yosë yonquicaiso marëꞌ inapoarin.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Josué 10:14

Iráca quëran huarëꞌ co ina pochin tahuëri yaꞌhuëchininhuëꞌ. Ina piquëraonta co huachi ina pochin tahuëri yaꞌhuëantarinhuëꞌ. Naporoíchin Sinioro aꞌna piyapiri nontërinsoꞌ, poꞌpin aꞌpanirin. Sinioro chachin israiroꞌsa catahuaton ahuëtarin niꞌton, naporin.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.

Apocalipsis 6:10

Tëpahuachinara, huaꞌyanënaꞌ inápaquë yaꞌhuëcontarahuatonaꞌ, Yosë nontápi. —Quëma Sinioro chini chiníquën nanantëran. Noyasáchin nicaton, noꞌtëquën nonan. ¿Onporo huarëtaꞌ oshahuanoꞌsaꞌ anaꞌintaran? Tëparinacoiso marëꞌ noꞌtëquën anaꞌintacasoꞌ yaꞌhuërin, tosapi.

Apocalipsis 6:12

Ina quëran aꞌna toꞌniquë achinpitërinsoꞌ iꞌshotaantarin. Inarëꞌ nani saotaroꞌ iꞌshorin. Inapotohuachina, panca ocohua paꞌsarin. Piꞌi tashiaton yaráchin nisarin. Yoquintaꞌ co huachi aꞌpianinhuëꞌ. Nincoan huëꞌsaponahuëꞌ, quëhuashin huënai pochin nisarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Jueces 16:28

Naporo inasoꞌ, chiníquën Yosë nontërin: “¡Sinioro nosoroco! Iporaíchin yonquirahuatonco catahuaco. Achiniantaco papoirayatërinacoso marëꞌ huiristinoꞌsa iꞌhuërëchi,” itërin.

Jueces 5:2

Yaꞌipinquëma Sinioro chinotocoꞌ. Israiro nacionquë quëmapi nipisopita yaꞌhuërarin niꞌton, chinotocoꞌ. Quëmapiꞌsa niꞌtonaꞌ, ipora huanta yaahuëtapi. Huaꞌanëni ina marëꞌ përapachina: “Noyapaꞌ. Huëco paꞌahua nipachin,” topi.