Josué 10:12 - Chayahuita (Shahui)

¹² Sinioro nohuanton israiroꞌsari amororoꞌsa canapi. Naporo tahuëri chachin Cosoi Yosë nontërin. Sontaronënpita natantonënquë Sinioro nontaton, tapon: “Piꞌi, Capaon ninanoquë tachitëquëꞌ. Quëmanta yoqui, Acaron motopianaquë tachitëquëꞌ,” itërin.

Josué 10:12 ပူးပေါင်းရင်းမြစ်များ

Salmos 148:3

Piꞌi, yoqui, inapitanta ina chinochinaꞌ. Tayoraroꞌsa huënaráchin nipisopitantaꞌ, ina paꞌyachinaꞌ.

Salmos 19:4

Napoaponahuëꞌ, nisha nisha parti, inachachin anitotarin. Yaꞌipi isoroꞌpaquë nahuinin. Piꞌinta yaꞌhuëcaso marëꞌ inápaquë pëi pochin acotërin.

Isaías 60:20

Piꞌisoꞌ, co huachi yaꞌconaponhuëꞌ. Yoquinta co huachi ayamaponhuëꞌ. Caso Sinioroco aꞌpintomiataranquëmaꞌ. Inapotatënquëmaꞌ, sëtëramasoꞌ inquitaranquëmaꞌ.

Amós 2:9

Ina quëran Siniorosoꞌ, piyapinënpita itapon: “Iráca caso shimashonëmapita isoporinquë poꞌmocaꞌhuaso marëꞌ amororoꞌsa ataꞌhuantërahuë. Inapitasoꞌ nonara pochin inapatopirinahuëꞌ, ataꞌhuantërahuë nopri nara pochin chiníquënoꞌsa nipirinahuëꞌ, inapotërahuë.

Amós 8:9

Naquëranchin Sinioro taantarin: “Isontaꞌ, ca Sinioroco noꞌtëquën shaꞌhuitaranquëmaꞌ: Ina tahuëri nanihuachin, camotëchin nipirinhuëꞌ, piꞌi tacopiapon. Yono piꞌi nipirinhuëꞌ, tashiapon.

Habacuc 2:20

Caso nipirinhuëꞌ, Sinioroco niꞌto, pëinëhuëquë yaꞌhuëarahuë. Yaꞌipi isoroꞌpaquë yaꞌhuëramasopita taꞌtápamaso yaꞌhuërin,” tënin.

Habacuc 3:11

Piꞌi, yoqui, inapitanta co huachi pipiapihuëꞌ. Shinërënënpita, nansanën, inapita huënaratapi niꞌton, napoaponaꞌ.

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Josué 10:13

Napotohuachina: Piꞌi, yoqui, inapitanta tachitopi. Israiroꞌsari inimiconënpita minsëai huarëꞌ tachitopi. Ina chachin noya ninaꞌpi itopisonta quiricaquë ninshitërinso naporin. Naporo piꞌi, camotëchin nisarin. Nisaponahuëꞌ, aꞌna tahuërira pochin tachitaton, co huachi manorinhuëꞌ yaꞌconacasoꞌ.

Jueces 5:20

Tayoraroꞌsa piꞌiroꞌtëquë yaꞌhuëpi. Inapitanta catahuainpoaso marëꞌ Sisara ahuëimatë pochin nipi. Sinioro catahuarinpoa niꞌton, napopi.

1 Samuel 12:18

Ina tosahuaton Samoirosoꞌ Sinioro nontërin: Nontohuachina, naporo chachin ina nohuanton huira, oꞌnan, inapita anotërin. Naporoꞌ israiroꞌsasoꞌ, Sinioro paꞌpi tëꞌhuatopi. Samoironta tëꞌhuatopi.

1 Samuel 14:31

Inapochin israiroꞌsari huiristinoꞌsa canapi. Miquimasi quëran ahuëtopisoꞌ, Aiaron ninano itopiquë huarëꞌ napotopi. Israiro sontaroꞌsasoꞌ co huachi nanitopihuëꞌ.